Kontrabida si Rufa Mae

Siguradong maraming magagalit kay Rufa Mae Quinto oras na ipalabas ang Captain Barbell starring Bong Revilla, Regine Velasquez and Ogie Alcasid. Kontrabida kasi ang role niya rito as Ice Queen - lahat ng bagay na bugahan niya ay nagiging yelo. Pero ayon naman sa previous interview, sinabi ni Rufa Mae na walang problema sa kanya kahit na magalit sa kanya ang mga manonood partikular na ang mga bata.

Bukod kay Rufa Mae, kontrabida rin dito sina Albert Martinez at Jeffrey Quizon.

Samantala, matagal-tagal na ring walang pelikula ang sexy actress. Last movie pa niya ang sa kanila ni Bong. In fact, marami nang nagsasabi na nawawala na siya. Kaya nga tinanggap niya na sana ang project sa Seiko Films na Bridal Shower, pero biglang ini-offer ang Captain Barbell kaya nag-back out siya sa Bridal Shower.