Judy Ann,ayaw magpa-interview

Sa nakaraang telecast ng Inday! Heart-to-Heart dapat sana ay kasama sa interview ni Robin Padilla itong si Judy Ann Santos. Magkasama kasi nung araw na bisitahin sa Taytay, Rizal itong sina Robin at Judy Ann na nagti-taping ng Basta’t Kasama Kita. Actually, si Robin lang naman talaga ang sadya but since artista rin naman si Juday at naroroon na siya, kakausapin na rin sana siya pero, tumanggi ito dahil kailangan pa niyang magpaalam sa kanyang manager. Ganon?!!!

Bukod kay Robin, nagpa-interbyu rin si Maricel Soriano. Di namalayan ng mga taga-ABS-CBN na taga GMA ang nag-iinterbyu kay Maria. Naisakatuparan naman ito ng maayos kasi nakalusot sila sa mahihigpit na guard ng naturang network.

Nagpaganda sa programa ang tv guestings nina German Moreno, Maricel at Robin na ang nag-host ay sina Anselle Beluso at Bibeth Orteza Siguion-Reyna. Pero mas nakapanghihinayang dahil nung nabubuhay pa si Ate Luds pangarap nito na mag-guest sa programa niya si Kris Aquino na hindi makapag-guest dahil sa mahigpit nitong kontrata sa kabilang istasyon. — Boni Icasiano