Mahaliig sa kotse si Eva Mendes

Para sa isang baguhan, malaking bagay kay Eva Mendes ang makatrabaho si Oscar winner Denzel Washington sa pelikulang Training Day. Ngayon ay nagkaroon naman siya ng pagkakataong makatrabaho ang pinagkakatiwalaang director ng 2 Fast 2 Furious, ani Mendes. "What really attracted me to the role was John Singleton, I’ve always liked his work – where he’s come from and what he says about it in his films."

Bagaman ang sequel ng The Fast and the Furious ay itinuturing ding showcase ng mga humahagibis na sasakyan, inamin ni Mendes na boring ang Range Rover na kasalukuyan niyang ginagamit. Gayunpaman, ipinagmalaki naman nito ang una niyang kotse, "My first car was ’66 Mustang, and I love fast, muscle cars and I have it out for (producer) Neal Moritz, because my character doesn’t even get to drive".

Ang 2 Fast 2 Furious ay ini-release ng Universal Pictures at ipalalabas ng United International Pictures sa September 17.