Tinanong ko ang aming sales manager at booker na si
Susan Ramirez ng
Solar Films kung alin sa movie nina
Aiai delas Alas at
Juliana Palermo ang mas malakas ang kita sa takilya.
Ayon kay Susan, mas kumita ang
www. XXX.com. Siguro dahil may pagka-porno ang dating ng movie ni Juliana at curious ang mga manonood lalo na ang mga kalalakihan sa bagong sexy star.
Abala ngayon si
Rufa Mae Quinto sa paggawa ng pelikula. Kontrabida ito sa
Captain Barbel at may solo movie ito titled
Masikip Sa Dibdib Sa Buhay ni Bobita Rose under
Viva Films. Hindi pa nito tiyak kung tatanggapin pa ang pelikulang
Spageti ng
Regal Films kasama sina
Joey de Leon at
Sexbomb Girls.
Hindi muna ito gagawa ng soap opera matapos ang
Iibigin ay Ikaw Pa Rin dahil tatlong beses sa isang linggo ang taping nito. May dalawa pa itong regular shows-ang
Bubble Gang at
Idol Ko Si Kap. Gusto rin naman nitong tumanggap ng mga out-of-town shows.
Stable pa rin ang relasyon nila ni
Rudy Hatfield pero malabo pang lumagay sa tahimik.
May bagong alaga si
Bing Tongco bukod kay
Maye at ito’y si
Rajah Montero. Noon pa man ay gusto na ni Rajah na mag-artista dahil hirap din ang dinaranas nila sa buhay. Walo silang magkakapatid at siya ang breadwinner dahil ang panganay nitong kapatid ay may pamilya na.
Ang kanyang ama ay nagtatrabaho sa construction at di regular ang kita kaya kailangan niyang kumayod para makatulong sa pang-araw-araw na gastusin gayundin ang pagpapaaral sa nakababatang kapatid.
"Mabuti na lang Tita, marunong akong kumanta kaya tumatanggap ako ng out of town shows. Huminto na nga ako sa pag-aaral dahil di ko kaya ituloy ang nursing. Desidido akong maging matagumpay na sexy star at maging palaban sa hubaran. Kaya kong mag-frontal nudity kaya walang magiging problema sa akin ang aking manager," ani Rajah. Ikalawang pelikula ng seksing aktres ang
Katas na prodyus ni Bing.
Hindi kami magtataka kung mapasama si
Mark Dionisio sa soap opera na
Basta’t Kasama Kita na tinatampukan nina
Judy Ann Santos at
Robin Padilla dahil magaling itong umarte kahit na sa character role. Bukod sa pelikulang
Katas ay tampok pa rin ito sa
Mapupulang Labi under
WildWorld Productions sa direksyon ni
Joey Romero.
| Lani, Nagustuhan Ng Syete |
May kasunod agad ang natapos na soap opera ni
Lani Mercado sa
GMA 7. Kasama siya sa bagong teledrama ng
GMA-ang
Twin Hearts na tinatampukan nina
Rudy Fernandez at
Pops Fernandez.
Lima na ang bandang mina-manage ni
Ernie dela Cruz na ang pinakabago ay ang
7th Sign. Ito’y binubuo ng pitong gwapong kalalakihan na pawang may talino sa pagtugtog at pagkanta. Ang mga miyembro ay sina
Paulo Montances, Sam Palad at
Jordan Solar (lead singers);
Alfie Nido (lead guitar);
Marc Castro (keyboards);
Jamin Echin (bass guitar; at
Zu Echin (drummer).
Ang unang bandang pinamahalaan ng daddy ni
Angelika na
Freshmen ay sikat na sikat na at recording artist na ngayon ng
Star Records.