Nakakwentuhan namin si
Donna Cruz na guest sa live presentation ng
All About You hosted by
Mikee Cojuangco sa Alabang Town Center last Sunday.
Nagkakaisa sa pagsasabi ang lahat na hindi totoo ang balitang battered wife ito. Una, hindi siya mukhang problemado, magandang-maganda pa rin ito at seksi kung saan hindi talaga mapagkakamalang ina ng dalawang anak. Kasama nito ang asawang si
Yong at nang hanapin namin ay sinabing ipinagsa-shopping ang anak.
Inamin nito na pabalik din sila ng Cebu that day. "Super tahimik na ang aking buhay at talagang nami-miss ko na ang pagkanta. Okey akong mommy dahil sapul pa noon ay mahilig na ako sa mga bata. Okey din ako bilang asawa ni Yong at I’m happy," sey nito.
Naroroon din si
Chiqui Hollman-Yulo na nagbigay naman ng tips tungkol sa personality development. Abala kasi ito ngayon sa Dove promo na siyang sponsor ng program ni Mikee.
Maganda pa rin ito at magaling sa pagpapaliwanag kaya parang naghu-host ng
Eat Bulaga at
Lunchdate noon ang dating.
| Mikee, Inihahambing Kay Kris |
Hindi maiwasan ng mga press people na paghambingin sina
Kris Aquino at
Mikee Cojuangco. Kung ano ang pagkabongga ng una pagdating sa pananamit at make-up ay taliwas naman ito sa huli. Simpleng-simple lang si Mikee pero talagang maganda kung saan hindi ito gaanong mahilig sa alahas at simple rin kung mag-make-up. Pagdating sa intriga ay wala kang maririnig dito, mas gusto nito ang tahimik na buhay sa piling ng asawa at dalawang anak.
Type pa rin nitong lumabas sa pelikula kung mabibigyan ng tamang proyekto. Nag-duet nga sila ni
Donna Cruz sa programa kung saan nagkasama sila sa pelikulang
Do Re Me noon under
Viva Films.
Nag-aaral pala si
Lovely Mansueto sa Pamantasan ng Lungsod ng Maynila sa kursong Mass Communication. Hirap siya sa schedule dahil may iba pa itong showbiz commitment kaya balak na lumipat sa Benilde ng De La Salle University. Scholar si Lovely kaya desidido itong tapusin ang kurso kung saan pangarap na maging newscaster gaya nina
Korina Sanchez at
Mel Tiangco.
May ginawa itong pelikula sa
World Arts Cinema pero talagang ayaw niyang maghubad. Pwede itong magpa-sexy dahil flawless din ang complexion at maganda rin ang katawan pero hanggang doon lang.
Nakalinya na ang pelikulang
Kapitan Kidlat na tatampukan ni
Mikey Arroyo.
| Julia, May Naipundar Na Kabuhayan |
Hanga kami sa abilidad ni
Julia Lopez na sumikat na rin bilang sexy star. Nakausap namin ito sa birthday celebration ni
Wilson Tieng. Sa lahat yata ng sexy stars ay bibilib ka pagdating sa pagiging masinop nito sa pera. Mayroon siyang negosyo sa Cebu kung saan masasabing matatag na ang buhay nito. Tatlo ang kanyang sasakyan-Ford 150, Pajero at itim na Civic Honda, kung saan siya ang nagmamaneho.
Marami tuloy ang naiintriga sa kanya at nagtatanong kung sino ang kanyang superdatung na papa na nag-sponsor ng kanyang bonggang birthday celebration. Huwag isnabin at ginawa lang naman ito sa poolside ng Intercon kamakailan.
Hindi naman nababakante sa paggawa ng pelikula si Julia dahil palaban din ito pagdating sa paghuhubad at flawless din ang kutis.
Nakikiramay kami sa pagpanaw ng aming kapatid sa hanapbuhay na si
Mario Garcia at patuloy ang aming pagdalangin sa magandang kalusugan ng aming mahal na si
Ate Luds (Inday Badiday) Carvajal gayundin kina
Melchor Bautista at
Ed de Leon.