Dina ayaw kay Aubrey!

May isang pelikulang inalok kay Dina Bonnevie para maging nanay ni Aubrey Miles pero tumanggi ang aktres dahil may anak na raw ito. Ipinagkibit-balikat na lang ito ni Aubrey dahil ayaw nang patulan si Dina. Baka kung si Alessandra de Rossi ang maging anak sa movie, baka pumayag pa si Dina.

Jolina, Itinatago Ang Bf

Nasa tamang edad na si Jolina Magdangal para magkaroon ng nobyo. Balitang may boyfriend na itong non-showbiz at nabibilang sa iginagalang na angkan. Pero, itinatatwa pa rin ito ni Jolens. Kahit close sila ni James Blanco ay laging sinasabi ng singer-actress na magkaibigan lang sila at klik ang tambalan sa Narito Ang Puso Ko.

Naglalagare si Jolens sa kanyang teleseryeng Narito Ang Puso Ko at pelikulang Walang Makakapigil (Annie Batungbakal Ngayon) under Viva Films. Di pa tiyak kung tuloy pa rin ang pelikulang pagsasamahan nila ni Fernando Poe Jr. dahil balitang magiging abala ito sa kandidatura bilang pangulo ng bansa.

Sunshine, Parang Walang Anak

Sexy pa rin si Sunshine Cruz kahit may anak na ito at sa isang production sa ASAP Mania noong Linggo ay hindi siya natalbugan nina Assunta de Rossi at Ciara Sotto.

Mas type pa ni Shine na lumabas na lang muna sa telebisyon dahil prioridad nito ang anak na lumalaki na. Nanatiling matatag ang pagsasama nila ni Buboy (Cesar Montano) kahit nakaranas din ng pang-iintriga noon bilang battered wife.

Anne, May Playgirl Image

Kung kani-kanino nali-link si Anne Curtis.

Una siyang naging nobya ni Oyo Boy Sotto at pagkatapos ay naugnay din ang pangalan kina Cogie Domingo, Lucky Manzano at ngayon naman ay kay Richard Gutierrez na balitang ka-on nito.

May intriga ngayon na may dalawang reporter na nakakita sa dalawa na naghahalikan sa harap ng Baclaran Church habang pasakay sa van.