Sa nakaraang USA trip ko, marami akong nakasalamuhang Pinoy celebrities na naka-base na sa iba’t ibang parte ng America. Nariyan sina
G Toengi, Bunny Paras, Paco Arespacochaga, Joey Mead, Cher Calvin, Divina Valencia at
Vanessa del Bianco. Naka-base na si Vanessa sa Los Angeles kung saan nag-aaral ito at nagmu-model din for fashion shows. In fact, ‘yung shampoo commercial niya na napapanood natin dito ay ini-ere rin sa television sa States. Kasama ko sina
Freddie Bautista at
Anne Santos ng
Masayang Tanghali Bayan na nakatsikahan si Vanessa sa isang hotel sa Sunset Boulevard sa Los Angeles.
Ayon kay Vanessa, mas gusto niyang sa Los Angeles na mag-concentrate dahil mas malaki ang opportunities doon. Masipag siyang uma-attend ng audition sa Hollywood. Optimistic siya na eventually ay magpi-pay off ang lahat ng paghihirap niya.
Inamin ni Vanessa na nami-miss niya ang Pilipinas. Ang mga kaibigan niya at mga nakatrabaho during her stay sa bansa. Pero hindi raw mababayaran ang peace of mind na na-achieve niya nang mag-quit siya sa showbiz.
Hindi namin pinag-usapan si
John Estrada pero ang alam ko, in touch silang dalawa. In fact, at the time na katsikahan namin si Vanessa ay may tumawag sa kanya at suspetsa ko, si John ‘yun.
She has plans of visiting the country in December para magbakasyon. Wala na talagang planong magbalik-showbiz si Vanessa.
Ibang-ibang
Claudine Barretto ang napapanood ko sa
Buttercup. Mas daring siya. Walang qualms sa kissing scene at mas nagagawa niya ang mga hindi niya nagagawa noon sa kanyang mga soap opera.
Napatunayan ni
Camille Prats ang suporta sa kanya ng
ABS-CBN noong mag-celebrate siya ng kanyang 18th birthday sa
ASAP Mania noong Sunday. All-out ang ipinakitang suporta ng buong Talent Center family kay Camille. Halos 30 artists ng Talent Center ay present para bumati kay Camille.
Biggest surprise kay Camille ay ang pagdating ng kanyang special friend na si
Francis Ricafort. Bumati rin ang kanyang butihing ama na si
Dondi Prats.
For your comments and reactions, you can email me at
ericjohnsalut@yahoo.com.