Patok ang raffle

Parami nang parami ang sumasali sa Nokia 7650 Raffle Promo na isinasagawa ng Bookware Publishing Corporation para sa mga mambabasa ng My Special Valentine (MSV) pocketbooks. Nasorpresa nga raw ang kompanya dahil ang mga entries ay nagmumula hindi lamang sa Metro Manila kundi sa malalayong probinsya. Nakakaakit kasi ang premyo dito na 3310 cellphone bawat monthly draw at 7650 sa grand draw.

"Nitong Marso pa lang namin ito sinimulan pero ang dami na kaagad na nagpapadala ng mga kupon," wika ng staffer na si Dottie Pineda. "Ngayon pa lang ay masasabing ito na ang pinakamatagumpay naming promo. Ito’y dahil siyempre sa patuloy na pagtangkilik ng mga regular na mambabasa ng aming pocketbooks."

Samantala, nanalo kamakailan ng 3310 sina Alexis Davidas ng Valenzuela City at Fatima Kindica ng Makati City. Sa Agosto magtatapos ang nasabing promo. Para sa katanungan, pakitawagan lang ang tel. nos. 631-8893 -94