TJ Manotoc may Jolina Doll?

Kanino ko ba narinig na mayroon daw Jolina Doll sa kanyang possession ang mabilis na sumisikat na TV personality na si TJ Manotoc. Wala namang maniwala na may ibig sabihin ito, except na pwedeng kolektor ng mga ganitong bagay ang binatang TV host.

O, baka naman binigyan siya ni Jolina nito? Kung totoo, ano ang ibig sabihin nito? At bakit may mga tsismis linking him and Jolina?

"Huwag naman. It will be unfair for both of us. Ni hindi pa kami nagkakakilala. The time I guested in Unang Hirit, wala pa siya," pagtatanggol ng nagmemeari ng Special Edition PLDT Cards.

Si Jolina ang pinaka-popular na wish grantor ng Make-A-Wish Foundation of the Philippines whose aim is to fulfill the wishes of children afflicted with life threatening diseases.

Nagkaroon kami ng isang masayang merienda kasama si Jolina nung Linggo ng hapon, after her stint sa SOP. Very pretty and formal si Jolens na hindi na itinatanggi na may special someone siya dahil may mga nakakakita sa kanya na may kasamang lalaki. holding hands pa sila. Pero, tulad ng dati, tiim ang bibig ng host din ng The Working President.

*****

Totoo kaya na on the verge of separating ang isang couple kaya umalis muna si babae para magpalamig? Balitang ang babaeng maaaring pumalit sa kanya sa puso ng kanyang lover ay isang young actress na nabalita ring naging ka-on ng isang top exec ng isang malaking network.

Okay lang naman dito si exec dahil may nakita na rin siyang apple of the eye na isa ring mabilis na sumisikat na young female star?

*****

Sinisiguro ni VRB Chairman Bong Revilla na mayroon na silang plano para hindi ma-pirate ang mga pelikulang kasali sa Manila Film Festival. "Kahit isang buwan lamang ay pipilitin naming ma-block o ma-hold ang mga pelikulang ito para ma-proteksyunan ang mga producers na gumagastos ng malaki para makagawa ng pelikula tapos sisirain lamang ng mga pirata," ani Bong sa presscon ng Bertud ng Putik na isa sa mga entries sa MFF.

Close to P30 M ang gastos ng Imus Productions sa pelikulang ito na gumagamit ng mga makabagong teknolohiya para mapaganda ang pelikula. "May pagka-Matrix Reloaded ang dating nito," pagmamalaki pa ni Bong.

Dahilan sa naging isyu sa kanila ni Assunta, wary na si Bong magsasagot sa mga maseselang tanong at maging sa paggawa ng mga sexy scenes. "Yung pagpapakita ko ng butt was the first and last time kong gagawin," pangako niya.

However, hindi mapipigilan na magkaroon siya ng mga lovescenes sa tatlong kapareha niya sa movie – Rochelle Pangilinan, Regine Tolentino at Michelle Estevez. Direksyon ni Augusto Salvador at Marlon Bautista.

*****

Email: veronicasamio@yahoo.com