Nakita namin si
Carmina Villaroel na kausap ng mga executives ng
GMA-7 kaya nag-conclude na kami na lilipat si Mina ng istasyon lalupa’t wala naman siyang bagong programa sa
ABS-CBN matapos mawala sila nina
Pops Fernandez at
Zsazsa Padilla sa
Morning Girls. Hindi na namin natiis kaya personal na naming tinanong ang manager ni Mina na si
Dolor Guevarra na siya mismong nagkumpirma sa amin na tuloy na ang kanyang paglipat sa
Siyete kung saan siya magkakaroon ng dalawang programa, isang sitcom at isang soap opera.
Ang dalawang
Click girls na sina
Chynna Ortaleza (20) at
Dyan Delfin (19) ang pinakabagong image models ng
Blowing Bubbles Clothing Apparel. Ang mga naunang endorsers ng Blowing Bubbles ay sina
Ruffa Gutierrez at
Zoren Legaspi, G. Toengi, Carmina Villaroel, Marvin Agustin, Diether Ocampo at
Jay Manalo.
Speaking of Chynna at Dyan, happy ang dalawa hindi lamang bilang bagong endorsers ng Blowing Bubbles kundi dahil consistent top-rater ang kanilang programang
Click na kinabibilangan din nina
Karen delos Reyes, Alessandra de Rossi, Sherwin Ordoñez, Richard Gutierrez, Bryan Revilla, AJ Eigenmann, Angel Locsin at
Railey Valeroso.
Nang dahil sa programa, tinanggap ang loveteam nina Chynna at Richard Gutierrez ganundin naman sina Dyan at Bryan. Although friends lang sina Chynna at Richard, inamin naman ni Dyan na naging sila ni Bryan na umabot din ng seven months. Pero kahit hiwalay na sila, they’re still the best of friends lalo pa’t magkasama pa rin sila sa programa.
Parehong nahinto ang pag-aaral nina Chynna at Dyan. si Dyan ay high school graduate pero hindi siya nag-enrol last year. Pero balak niyang mag-enrol sa pasukan ng business administration pero wala pa siyang school na napipisil. Si Dyan kasama ang kanyang pamilya ay tatlong taon ding namirmihan sa Georgia, USA hanggang sa magdesisyon siyang bumalik ng Pilipinas pero nasa Georgia pa rin ang kanyang pamilya.
Na-solved na rin finally ang problema ni
Ruffa Gutierrez sa gown na kanyang isusuot sa Manila wedding nila ni
Yilmaz Bektas sa darating na March 25 na magaganap sa NBC Tent Garden sa ganap na ika-4:30 ng hapon. Sa halip na sa ibang bansa gagawin ang gown ni Ruffa ay naatasan si
Inno Sotto na siyang gumawa ng kanyang gown. After all, si Inno rin ang gumagawa ng wedding entourage ni Ruffa. Since Inno is one of the best designers in the Philippines, baka mas maganda pa ang kanyang gagawing gown kay Ruffa kesa sa
Christian Dior at
Valentino na siyang unang choice nina Ruffa at Yilmaz.
Email:<
a_amoyo@pimsi.net>