Kris at Jackie kapwa may plano sa pulitika!

We’re glad na balik-showbiz na naman si Jackie Aquino after five years of absence ay nagbabalik sa pamamagitan ng pelikulang You and Me Against the World ng FLT Films na tinatampukan nina Robin Padilla at Kris Aquino. Huling napanood si Jackie sa pelikulang Trudis Liit, Part 2 in 1997.

Si Jackie ay nag-asawa nung 1998 kay Mark Gavino, isang interior designer/consultant at meron na silang isang anak, si Andrea, now two years old. Of course, hindi lingid sa kaalaman ng marami na naging kasintahan ni Jackie ang TV host-comedian na si Roderick Paulate na umabot din ng isang taon pero tulad ng ibang relasyon ay nauwi rin ito sa hiwalayan.

"No regrets," ani Jackie.

"Kung tutuusin, kahit hindi ako naging aktibo sa pelikula, once in a while ay may mga TV guesting din ako and I was busy with corporate shows bilang host," aniya.

"I got pregnant in 1999, gave birth in 2000 and part of that year ay nasa abroad kami ng pamilya ko," patuloy niyang kwento.

In 2001, siya’y na-appoint bilang isa sa mga board members ng MTRCB hanggang ngayon. Nung August naman nung nakaraang taon ay sinimulan nila ang Gymboree Play & Music (isang franchise mula Amerika) na matatagpuan sa Rockwell in Makati. Ito’y parent and child inter-active play, music and arts program para sa mga batang below 5 years old. Si Jackie bale ang tumatayong PR & Program Director at isa rin siya sa mga tumatayong teachers with more than 300 members.

"Kahit matagal akong nawala, showbiz will also play an important role sa buhay ko dahil sa akin at sa pinsan kong si Kris (Aquino), diyan din galing ang daddy ko (Cong. Butch Aquino)," patuloy na kwento ni Jackie na halatang happy sa kanyang buhay may asawa.

Kung si Kris Aquino ay inamin na posible niyang pasukin ang pulitika sa taong 2010, open din kaya ang option ni Jackie?

"Ganun din ako because my dad is convincing me. He has one term to go sa congress at gusto niya na ako na ang pumalit sa kanya," pahayag pa niya.

Kung tatlong Aquino (na mga kamag-anak nila ni Kris) ang nasa pulitika ngayon– Sen. Tessie Aquino-Oreta, Rep. Noynoy Aquino at Rep. Butch Aquino, malamang na magpatuloy ang political clan sa mga Aquino sa pamamagitan ng mag-pinsang Kris at Jackie. Si Kris sa senado at si Jackie naman sa kongreso na hindi naman imposible.

"I don’t mind playing mother roles now dahil I’m a real mother now," deklara pa niya.

"Kumusta na nga pala sila ni Roderick Paulate ngayon?

"Never naman kaming naging bitter sa isa’t isa nang maghiwalay kami. We’re still friend although bihira na kaming magkita," paliwanag pa niya.