Hanna ready nang magpa-sexy

Masaya ang pasok ng Bagong Taon kay Hannagene Villame, anak ng komedyanteng si Yoyoy Villame. Kagagaling lang ng US ni Hanna, heto at sasabak na siya sa pelikulang Masamang Ugat na ididirek ni Willy Milan para sa Viva Films.

Sa pelikulang ito, handa si Hanna na magpa-sexy.

Dati, hanggang pa-sweety-sweety lang ang kaya niyang gawin.

‘‘Gusto kong subukan, kaso ayaw ko naman yung sobrang sexy," sabi ni Hanna.

Takot kasi siyang ma-shock ang mga fans niya na nakilala siya bilang isang singer.

Makakasama niya sa Masamang Ugat sina Rica Peralejo, Victor Neri at Mikey Arroyo at ang nagbabalik-showbiz na si Ace Vergel.

Hindi naman siya masyadong sexy dito at marami pa siyang puwedeng gawin. Pero hindi pa niya nakukumbinse ang Mommy Tess niya. Pero kung ang father niya ang tatanungin, wala nang problema.

Bukod sa nasabing pelikula, may mga naka-line ring concert si Hanna sa susunod na buwan. (Ulat ni Vir Gonzales)