B-day asalto para kay Jessa

Na-touched ang preggy-wife ni Dingdong Avanzado na si Jessa Zaragoza nang siya’y asaltuhin sa Osteria Restaurant na pag-aari ng kanyang kaibigang si Ara Mina nung midnight ng January 30.

Ang bagong talent manager ni Jessa na si Manny Valera sa tulong nina Dingdong at Ara ang nag-arrange ng asalto na dinaluhan din nina Joed Serrano, Robby Tarroza, Direk John-D Lazatin, mga taga-Star Records at ilang kaibigan sa press.

Unang sinabihan si Jessa ni Manny na mag-meeting sila sa Chili’s sa Tomas Morato para sa kanyang schedules pagkatapos ay sinabihan silang tumuloy ng Osteria dahil kailangang mag-usap sina Dingdong at Ara para sa kanilang repertoire sa concert ni Dingdong sa Ratsky on February 5. Walang kaalam-alam si Jessa na may nakahanda palang asalto sa kanya. Mga 11:30 p.m. ay nagyaya na siyang umuwi pero nag-text umano si Manny na hintayin siya. Maya-maya lang ay isa-isa nang nagdatingan ang mga taga-Star Records, Direk John-D, Joed at Robby at iba pa. Pagdating ng 12 midnight, kinantahan nila si Jessa ng ‘happy birthday’ with matching cake.

"Na-surprised talaga ako sa ginawa nila," natutuwang kuwento ng expectant mom.

Nung araw mismo ng kanyang kasal nung January 21, walang gaanong happening. Sumama lang siya kay Dingdong sa rehearsal nito sa Ratsky at pagkatapos ay tumuloy na sila ng Makati kung saan sila nanood ng sine at pagkatapos ay nag-dinner sila.

Speaking of Jessa, kahit limang buwan na ang nasa kanyang tiyan ay busy pa rin ito sa pagpu-promote ng kanyang second album under Star Records na pinamagatang "Jessa: Kahit Na Ilang Umaga" with "Hindi Na Bale" na kinompos ni Jimmy Antiporda bilang carrier single.

* * *

Fatherhood becomes Mikey Arroyo. Aminado ang bagong ama na nakakaalis ng pagod, pressure, tension at problema everytime na makita niya ang firstborn nila ni Angela Montenegro-Arroyo na magta-tatlong buwan na ngayong Pebrero 4. Bukod sa kanilang mag-asawa, madalas umanong hiramin sa kanila ang bata ng kanilang lola’t lolo na sina President Gloria Macapagal-Arroyo at First Gentlemen Mike Arroyo na hindi naman kataka-taka dahil first apo si Mikaela ng First Couple. Unang apong babae naman sa side ni Angela.

Kapag wala rin lang trabaho o lakad si Mikey, he makes it a point na magkakasama sila ng kanyang wife na si Angela at anak na si Mikaela.

Excited si Mikey ngayon sa kanyang malapit nang ipalabas na comedy flick sa ilalim ng Viva Films, ang AB Normal College (Todo Na Yan, Kulang Pa Yun).

Although ipapalabas pa lamang sa Pebrero 12 ang pelikula, nakapagsimula na siyang mag-shooting ng kanyang second project sa Viva, isang action movie, ang Masamang Ugat na pinagsasamahan nila ni Ace Vergel, Victor Neri at Maui Taylor mula sa pamamahala ni Willy Milan na siya ring tumatayong manager ng actor-politician.

* * *

Ang isa pang masaya sa kanyang pagiging brand new dad ay ang rapper-comedian na si Andrew E., isa sa mga tampok na bituin sa comedy movie na AB Normal College.

"Pagdating sa pag-aalaga sa baby naming si Andrew Fordy, hindi namin ito inaasa sa ibang tao kundi kami mismo ng wife kong si Mylene ang nag-aalaga sa kanya. Kapag may trabaho ako, si Mylene ang naiiwan sa bata," ani Andrew E. na super busy ngayon sa iba’t ibang shows sa ibang bansa. Ang naging problema lamang nila ay ang kanilang mga schedules. Nang simulan ang movie, hindi magtama-tama ang kanilang schedules pero sa awa ng Diyos, natapos din ito at showing na sa February 12.

* * *

E-mail to: <[email protected]>