"Hindi kami hiwalay ng asawa ko" – Cherie

Extended ang Morning Girls with Kris and Korina. Originally, two weeks lang ang nasabing show nina K & K pero na-reach nito ang mataas na rating kaya nag-decide ang management na i-extend ang show. Isang oras at kalahati - 10:00 to 11:30 a.m. over ABS-CBN - ang oras ng back-to-back show ng papasok na programa ni Tessie Tomas, Teysi. "Minsan makikita n’yo akong gumagapang sa set ng Morning Girls, minsan naman papasok sila sa set ng Teysi, parang ganoon," sabi ni Ms. Teysi kahapon na medyo natatawa sa isang presscon over lunch.

Matagal ding namahinga si Tessie sa television - six years to be exact. "Kaya nga nai-excite na ako," she said.

"Mga bagong portion ang mapapanood dito sa Teysi," she added.

*****

Isang friend ko na nagwo-work sa Muntinlupa Municipal Hall ang nag-e-mail. "Showbiz Tsismis cum-politics? Meron ako niyan. Alam mo isang consultant ng mayor namin dito of course sa Muntinlupa na dating taga- LAKAS-NUCD (sinipa na siya roon) ang nagpakita sa akin ng mga dokumento that FPJ will be running talaga if not president, vice. Actually ipinakita niya sa akin ang mga pangalan ng mga prominent figures behind sa pagtakbo ni FPJ at buo na ang kanilang political organization at this early from Luzon, Visayas and Mindanao at ang source ko naman ang secretary general." Very reliable ang source ng Baby Talk kaya kahit sabihin pang hindi pa nako-convince si FPJ, totoo raw na may plano ito.

*****

For the first time, nagsalita na si Cherie Gil tungkol sa intriga na hiwalay na sila ng Italian husband niya. Ayon kay Cherie, hindi niya alam kung saan nag-start ang intriga samantalang wala namang problema sa present situation nila ng husband niya dahil tulad niya, artist din ito at alam nito ang ginagawa niya sa bansa as an actress.

Happy na siya sa temporarily separation nila - siya nasa bansa, samantalang nasa Italy ang husband niya kasama ang dalawang anak nila habang nasa kanya ang isa.

In any case, magkakaroon ng special screening ang obra ni Peque Gallaga na Oro Plata Mata kung saan kasama ni Cherie sila Joel Torre, Ronnie Lazaro, Mitch Valdez, Sandy Andolong, Liza Lorena, Melly Mallari, Lorli Villanueva and Abbo dela Cruz today, January 30, Thursday bilang bahagi ng The Flip Movie Club Celebration at Cinema 1 of Greenbelt 3.

Ang Oro Plata Mata ay nanalo ng Special Jury Prize sa 1983 Manila International Film Festival and was voted one of the best films noong 1980s ng Manunuri ng Pelikulang Pilipino.

Inaasahang dadalo ang buong cast ng pelikula sa gagawing special screening. Also expected to attend the gathering are Oro, Plata, Mata production designer Don Escudero, Jose Javier Reyes na siyang nagsulat ng screenplay ng pelikula at ang editor nitong si Jesus Navarro.

"It’s not everyday that we come together to toast a Filipino movie. In fact, we don’t think anybody has ever organized any celebration for the anniversary of any other Filipino film," sabi ng FLIP Publisher at Editor na si Jessica Zafra. "But Oro, Plata, Mata clearly is one film that deserves to be commemorated. It raised the standards for Filipino films and, 20 years later, the public and the industry still look to the movie for guidance and inspiration," dagdag niya.

Si Peque ay pansamantalang bumalik ng Maynila mula sa kanyang semi-retirement para sa nasabing screening.

*****

Salve V. Asis’s e-mail: salveasis@yahoo.com/psnbabytalk@hotmail.com