Si Frank ang puwedeng magtagal sa Power Boys

Matutuwa ang mga followers nina Jericho Rosales at Kristine Hermosa dahil nasa last leg na ng shooting ng pelikulang Ngayong Nandito Ka, ang follow-up movie nina Jericho and Kristine after the hit movie Forevermore. Nakatakdang ipalabas ang movie sa February 26, ang post-Valentine offering ng Star Cinema. Ito rin ang playdate ng Got 2 Believe, highest grossing movie for the year 2002.

Very refreshing ang look ng movie dahil buong-buo itong kinunan sa Baguio particularly yung mga sweet scenes nina Echo at Tin. Ito ang dahilan kung bakit kadalasan ay nasa Baguio ngayon sina Tin-Echo at iba pang cast ng movie. May mga eksena rin si Tin sa Japan at nakatakda itong magshooting sa last week ng January.

Sabi nga ni Direk Jerry Sineneng "I gave the movie a different look. Ibang-iba naman ito sa Forevermore. Even the story, different. Matutuwa ang mga fans nina Echo at Tin dahil iba naman sila sa movie’ng ito ."

Aware pala si Direk Jerry sa sinasabing tampuhan nina Echo at Tin pero ayon sa direktor, "Ganyan naman ’yang mga yan, e. Mag-aaway pero after ilang oras lang, okey na naman. Kaya kapag nagtatampuhan, ’di ko na pinapansin dahil bago ako makapag-react, okey na naman. Hindi ko naman nakita ’yun sa movie."

Nakakakilig din ang theme song ng movie na kinanta ni Divo Bayer, isa sa finalist ng Star Quest ng Magandang Tanghali Bayan. Kasama rin sa movie sina Onemig Bondoc, Carlo Muñoz, Justin Cuyugan, Steven Alonzo at introducing sina Cindy Kurleto at Jenny Miller.

* * *

Humanga kami kay Senator Ralph Recto kung paano niya hinandle ang isyu ng additional 10% na ibinabaling sa kanya ang sisi. Hinayaan niyang magsalita ang mga nagpoprotestang grupo at hindi niya sinabayan ang galit ng mga ito. Nang mag-subside na ang sentiments ng mga ito, at saka nagsalita si Senator Recto. It turns out na maling tao ang binabalingan ng sisi ng grupo. In several occasions na nag-guest si Senator Recto sa iba’t ibang programa tulad ng Magandang Umaga Bayan at Morning Girls, mahusay niyang naipaliwanag ang isyu.

Pinahanga kami ni Senator Recto kung paano niya naipaliwanag ang isyu ng 10% VAT. Maling tao ang tinahulan ng grupo sa isyu. Dapat pala ay sa Lower House nag-rally ang grupo ng mga artista dahil hindi pa ito umaabot sa Senate.

Ang nakakalungkot pa, idinamay pa sa isyu ang nananahimik na Mayor ng Lipa na si Vilma Santos.

Hindi namin alam kung ano na ang nangyari sa usapan sa Senado noong Lunes. Eh talagang wala palang mangyayari kung sa maling venue sila nagra-rally.

* * *

Mula nang i-launch ang Power Boys bilang isang all-male group ng ABS-CBN, marami ang humula kung sino lang sa limang hunks ang sisikat. Iba’t iba ang bet ng tao. Pero sa pagdaan ng panahon, lumalabas na si Frank Garcia pala ang masasabing puwedeng sumikat at magtagal.

Napansin namin na may talent talaga sa acting si Frank sa ilang beses namin itong napanood sa Bituin bilang boyfriend ni Carol Banawa (Bernadette). Natural umarte ang binatang baguhan at malinaw mag-deliver ng lines. At sa ilang beses din namin itong nakakadaupang-palad ay very pleasant ito at courteous. Masasabi rin naming humble at ’di mayabang si Frank. Unlike sa ibang Power Boys na habang tumatagal ay nagkakaroon ng ere.

Kung ikukumpara namin si Frank sa fellow Power Boys niya, wala kaming masasabing dahilan para mag-stay sa business ang apat. Si Frank din ang pinakamalapit sa fans dahil ito ang pinakamagiliw.

Naku, sana ay hindi mahawa si Frank sa kayabangan ng mga kasamahan niya and may he remain the same Frank na humble at magalang.

* * *

Sumasakit ang ulo ng kaibigan naming talent coordinator sa isang teen actor dahil sa kakulitan nitong maningil ng talent fee. Narito ang kuwento.

In-invite ng talent coordinator ang bagets actor sa isang sponsored segment ng isang noontime show. Dahil sponsored, medyo hindi cash ang talent fee kundi call slip. Meaning at certain date makokolekta ang talent fee. Aba, mula nang mag-guest ang aktor, halos araw-araw ay tumatawag ang bagets aktor sa talent coordinator para mag-follow-up.

Dahil hindi na kinaya ng kaibigan naming talent coordinator ang kakulitan ng teen actor, nagpaluwal na lang ito ng sariling pera para lang matigil na ang kakulitan nito.

Duda ng kaibigan naming talent coordinator na may ’di magandang bisyo ang teen actor kung kaya nangungulit ito ng kanyang talent fee. ’Di ba’t sinasabing may bisyo ito kaya hindi na gumanda ang katawan?