Habang papunta sila sa airport ay kami ng kanyang manager ang magkakuwentuhan (Tatay Douglas Quijano), tawa nang tawa ang manager ng aktor-pulitiko kung paano at bakit kumalat sa Pilipinas ang balitang nagpakasal na sina Mayor Joey at Kris Aquino sa Amerika.
Isang malaking kalokohan, sabi ng manager ni Mayor Joey, dahil nasa proseso pa lang ngayon ng pag-aayos ng diborsyo nila ni Alma Moreno at ng punong-lunsod ng Parañaque.
Bukod sa kanilang kasal dito sa Pilipinas ay nagpakasal muna sa Las Vegas sina Mayor Joey at Alma, ’yun ang inaasikaso ngayon ng aktor-pulitiko na mapawalang-bisa, bago pa siya makapag-planong magpakasa.
Tawa nga nang tawa ang aktor-pulitiko habang sinasabi niya na bakit daw ganu’n, minamadali siyang magpakasal uli ng ibang tao, baka raw tuloy hindi na ’yun mangyari kung ganyang pinangungunahan na siya ng ibang tao.
At sa tanong naman ng marami kung totoo nga bang nagkita sa Amerika sina Kris at Mayor Joey nu’ng kapaskuhan ay ano pa nga ba ang inaasahan sagot ng mga nagtatanong?
Di kasingkahulugan lang ’yun ng sagot sa tanong kung nanay ba ang nanganganak at hindi ang tatay?
Sa totoo lang, wala naman kasing naniniwala na tapos na ang romansang Mayor Joey-Kris, kahit anong pangliligaw pa ang gawin ng magkabilang kampo, ang naglalarong ideya sa isip ng publiko ay tuloy pa rin ang kanilang maliligayang araw.
May impormasyong nakarating sa amin na ang tatlo na nga ang magho-host sa bagong noontime show ng Dos na ipapalit sa Magandang Tanghali, Bayan!, totoong hanggang Enero na lang ang MTB!, at ang tatlong aktor ang papalit sa programa.
Ang balita ay wala kahit sinong host ngayon ng MTB! Ang kukunin ng bagong noontime show, puro bago talaga ang makakasama nina Aga, Buboy at Willie, para bagong-bagong rekado talaga ang maihain nila sa publiko.