"Hindi ko expected ang pagkakapanalo kong ito. Totoong pinagbuti ko ang acting ko sa Mano Po pero, wala sa isip ko na mananalo ako. Magagaling lahat ng mga nominado para sa kategoryang ito. Magaling sina Ate Vi, Maricel Soriano at iba pa. Nakita naman ninyo, hindi ako prepared nang tawagin ako para tanggapin ‘tong Best Actress trophy ko. Siguro ang lucky charm ko ‘tong daddy ko. Zero man ako sa lovelife ko at least sa career ko meron namang nangyayari."
Sabi ng mga detractors mo, hindi kaya binili mo raw itong award mo?
"Bakit naman ako bibili ng award? Mukha na ba akong maraming pera para bumili ng award? Siguro kung natalo ako hindi ‘yan ang isyu nila para sa akin. Anyway, I would like to share this award sa mga ibang naging contenders like Ate Vi, Ms. Maricel Soriano, etc."
Aminado pa si Ara Mina na marami pa siyang kakaining bigas para lampasan ang isang Vilma Santos. "Hindi ko basta-basta mapapantayan o mahigitan pa ang anumang naabot o narating ng isang Vilma Santos." – BAC