Trailer ng Magic 7 ban sa Eat Bulaga?

How true kaya ang rumor na walang trailer ng filmfest entry ang puwedeng ipalabas sa Eat Bulaga except for Lastikman in sympathy to Vic Sotto na hindi kasama sa Magic 7 ang pelikula instead ihahabol sa January 1 showing?

May nakarinig na pinag-uusapan ang decision ng Eat Bulaga group na hindi sila puwedeng magpalabas ng ibang trailer kaya na-pull out lahat ang ibang trailer na kasama sa official entry sa Metro Manila Film Festival - Agimat (Anting-Anting ni Lolo), Alamat ng Lawin among others.

Nagiging maintriga ngayon ang MMFFP dahil sa iba-ibang issue. May mga lumalabas kasing statement. Like, the other day may nag-issue ng statement ni Vic Sotto na nagsasabing nag-decide na siyang i-pull out ang Lastikman sa entire filmfest. Pero the following day, nag-deny si Vic at wala raw siyang intention na mag-withdraw ng entry. Wala rin daw siyang sinasabing ganoon. Pero ayon naman sa isa pang source, close kay Vic ang nag-issue ng nasabing statement.

In any case, kahit may ilang intriga, tuloy ang MMFFP at ngayon pa lang ay marami nang naghihintay dahil exciting lahat ng entry.

*****

Gift-giving has always been a Christmas tradition observed by every Filipino family. Kahit pa sinasabi nilang mahirap ang buhay, Filipinos will make the most of what they have just to show their appreciation para sa kanilang minamahal. At isa sa sumusunod sa ganitong tradition ang Gibbs family.

Every Christmas, kino-consider nilang very memorable para sa kanilang family, but Bing relates na mas unforgettable sa kanila ang Christmas pag kasama ang immediate members ng family niya at ni Janno na nagpupunta sa kanilang house. On Christmas day, ayon pa kay Bing, nagpi-prepare sila ng maraming food as both families have lunch altogether.

At pag tapos na ang meal and everyone has settled, Bing would gather everyone in the house para sa much anticipated roll call. Sa living room usually ang gathering place na puno ng gifts of all sizes and shapes para i-distribute sa kanilang mga kamag-anak. Nakagawian na ‘yun.

Pero ngayong taon, apart from their yearly ritual, kakaibang holiday season and something extra special para sa pamilya ni Janno and Bing. Ang rason: hindi na lang sa kapamilya nila sila mamimigay ng gifts kundi sa mas nakararami sa tulong ng Dunkin Donuts. The Gibbs family serenades lahat ng Filipino sa kanilang tahanan as they sing Merry Christmas tunes sa "Dunkin Donuts Gibbs Love sa Pasko" album.

Ito ang unang pagkakataon that Janno, Bing and their two daughters Allyssa and Gabriella come together sa isang CD Christmas album. Everytime na bibili kayo ng one dozen donuts, may kasamang limited edition ng CD for free na tatagal hanggang December 31.

Actually, matagal na silang nai-excite na magkaroon ng album. After all, gifted naman sila ng singing talent pero hindi sila nagkakaroon ng chance na gawin ‘yun. Hanggang dumating nga ang offer ng Dunkin Donuts para mag-record silang mag-anak. Sabi ni Bing, she feels privileged for her family to have been offered to do the album. After all, wala pang celebrity family ang gumawa ng ganito.

Sa nasabing CD, lahat ng member ng family ay may solo number - Janno and Bing - Janno sa kanyang country version ng "Jingle Bells," si Bing naman ang "Away in A Manger." Meron din silang duet ng mag-asawa, ang original Christmas Song ng Dunkin Donuts na "Merry Munchkins," composed by Moy Ortiz and Edith Gallardo.

Of course, added attraction ang solo number ng dalawang bagets - Alyssa and Gabriella.

*****

"Dekada ’70 is one of the most important films Vilma and I have done so far," says Christopher de Leon sa latest masterpiece ni Chito Roño, Dekada ’70, na hango sa novel ni Lualhati Bautista na official entry ng Star Cinema sa Metro Manila Film Festival. "I’m proud of this movie. I want my children and the children of other couples and the parents as well to watch it," he added.

Kung trailer ang pagbabasehan, looks like na ito nga ang biggest film entry ngayong taon.

Bukod sa story, iba rin siyempre ang team-up nila ni Vilma Santos na na-prove nila sa maraming pelikulang ginawa nila. "It’s always ‘heaven’ to work with Vilma," asserts Christopher who plays Julian, husband to Amanda (Vilma). "Through the years, Vilma and I have developed a working technique, so we jive automatically in whatever projects we’re doing, in whatever roles we’re playing. In short mayroon kaming working vibes that we activate the moment na gumalaw na ang camera," sabi pa ng actor 27 years ago nang una silang magsama ng Star for All Seasons sa Tag-ulan sa Tag-araw.