Isabel 4 months preggy

Nang dahil kay Dolphy, muling makakatapak ng ABS-CBN premises si Jolina Magdangal para mag-promote ng pelikulang Home Alone D River na dinirek ni Eric Quizon for RVQ Productions.

Si Tito Dolphy mismo ang humiling sa pamunuan ng Dos na payagang makapag-promote si Jolina sa dati nitong home studio at pinayagan naman siya. Kung magpu-promote si Jolina sa Dos, magpu-promote din si Tito Dolphy sa mga talk shows ng GMA-7 tulad ng Startalk at S-Files at payag din siyang magpa-interview sa Unang Hirit at Saksi.

Si Jolina ay isa sa mga special guests ng gagawing special para sa 10th anniversary special ng Home Along Da Riles na nagsi-celebrate ngayon ng kanilang ika-sampung taon sa ere. Ang TV special ay mapapanood sa darating na linggo, Disyembre 8 sa ganap na ika-8:30 ng gabi.

* * *

Isang taon na ang nakalipas magmula nang bawian ng buhay ang kasintahan ni Vandolph na si Ishi Raquiza. Although naka-recover na si Vandolph physically, hindi pa rin niya totally matanggap ang maagang pagkawala ng kanyang kasintahan at sinisisi niya ang kanyang sarili.

Whenever he has the time, madalas na dumalaw si Vandolph sa puntod ni Ishi kasama ang kanyang ibang kapatid.

Natutuwa si Vandolph dahil naging very supportive sa kanya ang kanyang parents (Dolphy and Alma Moreno), ang kanyang step-mom na si Zsazsa Padilla ganundin ang kanyang mga kapatid (18 silang lahat) para tuluyan siyang maka-recover.

Ang pelikulang Home Alone D River ay first movie bale ni Vandolph after the accident. Ang huli niyang pelikula ay ang Tatay Nic shown about two or three years ago. Pero palagian pa rin siyang napapanood sa weekly sitcom na Home Along Da Riles, ang programang kinalakihan na niya.

Samantala, si Tito Dolphy ang nagkuwento sa amin na hindi umano tumanggap ng talent fee si Vandolph sa Home Alone D River dahil malaki ang ginasta sa kanyang pagpapagaling mula sa aksidente. Pero nangako si Tito Dolphy na bibigyan pa rin niya si Vandolph ng kanyang talent fee dahil pinaghirapan din naman niya ito.

* * *

Totoo nga kayang four months pregnant na si Isabel Granada kaya ito magpapakasal sa kanyang boyfriend na si Geryk Genasky?

Sabagay, ang ganitong mga pangyayari ay hindi na bago. Di nga ba’t pregnant na rin noon sina Sharon Cuneta, Lani Mercado, Charlene Gonzales, Mikee Cojuangco, Pops Fernandez, Angela Arroyo at iba pa nang sila’y ikasal sa kanilang mga respective partners? Ang mahalaga, ikinasal sila. Sa part ni Isabel, marahil handang-handa na siyang lumagay sa tahimik (o sa gulo?) kaya siya magpapakasal sa kanyang boyfriend.

Ngayong December 10 sa Fontana Resort sa Clarkfield in Pampanga ikakasal sina Isabel at Geryk. Since nakabalik na ang mommy ni Isabel galing