Mayor Abalos, OA – Rodel Velayo

Tahasang sinabi ni Rodel Velayo, ang leading man ni Diana Zubiri sa Kasiping na dapat di nagsampa ng kasong public scandal si Mayor Benhur Abalos kay Diana.

"Parang Oa ang ginawa ni Mayor Abalos, kasi sabi sa akin ng mga crew sa pictorial, tuwang-tuwa ang mga tao dahil kumakaway sila kay Diana na nakangiti pa," sagot ni Rodel sa isang exclusive interview namin sa kanya sa isang resto sa Eastwood City.

"Para mag-qualify ng ‘grave public scandal’ dapat masindak ang tao pero hindi ito nangyari dahil nasa modern time na tayo. At isa pa, alam nilang pictorial ito dahil maraming ilaw at may photographer.

"Parang sa shooting ng pelikula. Hindi na-shock ang tao pag may nakita silang nagbabarilan sa kalye dahil alam nilang shooting ito hindi ba?" ang depensa ni Rodel sa leading lady niya sa Kasiping.