Relasyong Kris/Joey going strong!

Going strong pala ang relationship ni Kris Aquino and Joey Marquez. Ayon sa isang ABS-CBN insider, nakikita nilang hinahatid ni Joey si Kris sa ABS-CBN na parang walang pakialam kahit makita sila.

Madalas din daw uli ngayong makita si Joey sa house ni Kris. "Saka tingnan mo ang aura ngayon ni Kris, ang ganda niya," comment ng isang kilala si Kris.

*****

Totoo kayang papatayin na ang character ni Edu Manzano sa Kay Tagal Kang Hinintay? Kasi kung totoo ang ganitong balita, sayang naman dahil feeling ko kasama siya sa nagdadala ng programa along with Lorna Tolentino. Isa raw sa may pinaka-highest rating ang Kay Tagal Kang Hinintay sa mga teleserye ng Dos ayon sa isang ABS-CBN insider so baka pag nawala siya, mag-suffer ang rating.

*****

Nag-file na pala ng case si Diether Ocampo sa mga suspect ng pamamaril sa bahay niya two months ago. "Mino-monitor na ng mga police ang suspect. Probably this guy is into drugs kaya ginawa niya ‘yun," recalls Diether sa update ng nangyari sa bahay niya na pinagbabaril ng isang grupo.

Nang mangyari ang nasabing insidente, pati ang pangalan ng mga Revilla particular na si Bong and Andrea na rumored na girlfriend niya, nadamay. "It’s really unfair for them. Some people lang took advantage of the situation. Nakakahiya nga sa family ni Andrea," he said.

Marami kasing speculation na lumabas nang mangyari ‘yun. May issue no’n na sinasabing baka na-involve si Diether sa isang girl na may boyfriend na politician. Lumabas din ‘yung baka sa drugs.

At ngayon ngang nasa korte na ang kaso, ayaw nang masyadong magsalita ng actor. Ang sinasabi niya lang maraming gustong umarbor sa kaso.

Pinari-renovate ni Diether ang kanyang bahay at nag-hire na rin siya ng security guard para magbantay 24 hours. Hindi naman sa natatakot siya, gusto lang niyang maniguro dahil hindi harapan ang gustong away ng kalaban niya.

In any case, admitted si Diether na naging very close sila ni Dina Bonnevie while filming the Bahid starring Assunta de Rossi. But not to the extent na nagkaroon sila ng relasyon contrary sa mga naglalabasang issue.

No’n ngang first time na magkita sila sa shooting, intimidated siya. Pero ang ending, naging close sila.

Sister-in-law niya sa Bahid si Dina - naging wife niya rito si Assunta kaya isang beses lang ang lovescene nila.

Bukod sa Bahid, busy rin si Diet sa bago niyang business, Fitness One - part siya ng corporation ng nasabing fitness center.

Nag-deny din si Diet sa issue na kaya maganda ang muscle niya ay dahil sa steroids. "We discourage people to use steroids. Napaka-unfair for me dahil four years akong nag-work out bago na na-perfect ang shape ng katawan ko. That’s bad for our health may long term effect ‘yun," sabi niya. May ilang actor kasi balitang nagi-steroid kaya perfect ang mga muscle nila.

Anyway, kung ang ibang actor, gustong maging director, wala sa hinagap ni Diether ‘yun. Mas type niyang magsulat at mag-produce ng pelikula. In fact, may na-submit na siyang storyline sa Star Cinema na kung matutuloy, siya rin ang gaganap sa main character.

By next week, aalis ang grupo ng The Hunks.

At any rate, last week of November naka-schedule ipalabas ang Bahid under the direction of Joel Lamangan for Regal Films.

*****

"There can be no doubt na ang Sex Bomb ang pinakasikat na dance group sa Pilipinas," says Mother Lily of Regal Films, producer ng movie debut ng grupo, Bakit Papa with Wendell Ramos, Jeffrey Quizon, Allan K with teenstars Richard Gutierrez and Chynna Ortaleza.

"They have started a craze by simply doing what they love to do. Dancing on national TV and singing their way into people’s heart. Now is the best time naman to give the public what they want to see - Sex Bomb girls in the movie. Regal will make this wish come true," Mother added.

Ganito rin ang naging takbo ng career ng Universal Motion and Streetboys noon. Nag-start din sila as a group dancer and then nagkaroon ng album and later on, nagkapelikula rin. Pero after one movie, bigla silang nawala sa eksena. Sana nga, hindi ganito ang mangyari sa Sex Bomb. "Ang advantage kasi po namin, tinutulungan kami ng Eat Bulaga, so everyday nasa TV kami," said Rochelle, isa sa original member ng grupo.

*****

Salve V. Asis’ e-mail - [email protected] / [email protected]