Simpleng hiling ni Aiai

Ano pa nga ba ang mahihiling ng isang Aiai delas Alas, ang pinaka-successful na babaeng komedyante sa Pilipinas, sa kanyang buhay? Mayroon siyang magandang bahay, magarang sasakyan (Jaguar!), successful na showbiz career at tatlong anghel na sina Sancho Vito (Sanch), Shawn Nicolo (Niki) at Sophia Andrea (Andy), na nagsisilbing inspirasyon niya.

Talaga namang nakamit na ni Aiai higit pa sa inakala niya in terms sa kanyang career at ang tanging hiling na lang niya ngayon ay ang magkaroon ng good married life ang kanyang mga anak pagdating ng araw.

Nag-celebrate si Aiai ng kanyang birthday sa Sing-Galing’s stint sa Claret School of Quezon City sa Diliman, na part ng ongoing campus tour ng naturang show. Nakasama ni Aiai during her birthday celebration syempre ang bestfriend at Sing-Galing co-host niyang si Allan K pati ang mga special guests na sina Dominic Ochoa, Amy Perez at Miguel Vera. Kaya, watch ka na lang ng Sing-Galing ngayong Linggo alas-otso ng gabi sa ABC.