May malas sa bagong negosyo ni Piolo

Ayaw maniwala si Piolo Pascual sa sinasabi ng ilang malalapit sa kanya na huwag nang ituloy ang bagong negosyo ni-yang coffee bar. Ito ang Mocha Blend na matatagpuan sa Mora-to Avenue, Quezon City. Dito unang itinayo ang Cilantro ni Die-ther Ocampo. Isa itong restaurant na nagsara pagkatapos ng mahigit isang taon lamang. Napalitan ito ng isang sing-along bar, ang E-Place na tulad din ng naunang negosyo ay di nagtagal at nagsara rin.

Sa ngayon ay ginagawan ito ng kaunting pagbabago para maging angkop sa klase ng negosyong gusto ni Piolo.

"May mga taong malalapit sa akin na nagsabing may malas daw sa lugar na kinatatayuan ngayon ng aking negosyo na hindi ko pinaniniwalaan. Kung totoo man ito, kailangang i-break ito ngayon," pahayag nito.

Naniniwala ang aktor na sa klase ng produkto na kanilang ihahandog sa mahihiligin sa naiibang lasa ng kape na galing Australia, tiyak nitong dadayuhin ang kanyang lugar. Ito ang dahilan kung bakit malakas ang loob nila na makipagsabayan sa ilang establisimyento na may ganoong produkto.(Ulat Ni Alex Datu)