Ladine Roxas sa 'Kool on Kam'

Tama lang na pangalanang "International Diva" ang multi-talented na world-class singing sensation na si Ladine Roxas dala ng kanyang ‘di mapantayang katanyagan sa West Coast.

Umusbong ang kanyang exquisite talent at musical versatility mula ng limang taong gulang pa lamang at nahasa ito ng husto sa kanyang pagsali sa mga school productions at sa church choir. Kumanta rin siya para sa mga commercials at nagpakitang-gilas sa ilang mga local singing contests. Natamo niya ang kanyang kauna-unahang international break ng naging elite singer siya sa mga sikat na hotel at music lounges sa Beijing, na sinundan pa ng maraming musical engagements abroad. Noong nakaraang taon napanalunan ni Ladine ang "Grand Prize" at "Best Song" awards sa Voice of Asia na ginanap sa Kazakhstan, besting 16 other contestants mula sa iba’t ibang bansa.

Hanggang ngayon, patuloy na hinahalina ni Ladine ang international audiences with her newest album "How Can I Make You Love Me?" under Candid Records ng UK – na nagpakilala sa kanya roon bilang Filipino version ni Kylie Minogue.

Ang kanyang debut album "Meant To Be" via Star Records ay nag-platinum with more than 500,000 copies sold nationwide. Co-host din siya sa programang Master Showman ni German Moreno.

Kung gusto n’yong makilala si Ladine ng husto, panoorin siyang makipagkulitan sa mga Kool DJs ngayong Martes sa Kool on Kam, 7:30 weeknights sa ABC5.