KC Montero sa 'Celebrity Hoops 2002'

Kamakailan ay hinirang bilang project director at image model ng Celebrity Hoops 2002 ang MTV VJ at TV host KC Montero. Ang Celebrity Hoops 2002 ay ang unang project ng The Child’s World Foundation, Inc., (TCWFI) na kung saan ay isa rin siyang honorary board member. Ito ay gaganapin bukas, Oktubre 27 (Linggo) 1 p.m. sa Philsports Arena (dating ULTRA) sa Pasig City. Ang event na ito ay naglalayon na makalikom ng pondo para sa scholarship program ng mga special children.

Magsasama sa nasabing event ang mga sikat na artista, singers at mga models para magtagisan ng galing sa paglalaro ng basketball. Ang ilan sa mga celebrities at models na nag-confirmed ay sina Troy Montero, Paolo Bediones, Hans Montenegro, Dingdong Dantes, Gabby Eigenmann, Miko Palanca, Dingdong Avanzado, James Blanco, Wendell Ramos, Antonio Aquitana, Jake Roxas, Carlo Muñoz, Jay Manalo, Zoren Legaspi, Rico Blanco, Calvin Millado, Carlos Morales, Victor Neri, JR Rodriguez, The Power Boys, MTB’s Gee Girls, hip-hop artist D-Coy, Aikee, ang Boy Band 604, Christian Vasquez, John Hall, Kenji Marquez, Bernie Guinto, Francis Ricafort, Paolo Paraiso, Carlo Maceda, Erwin Tulfo, Asi Taulava, Karen Davila, Margot Montano, April Montano, Angel Jacob atbp.

Bukod sa exhibition basketball event meron ding bazaar/tiangge, food booths, door prizes raffles, celebrity photo souvenirs, authograph signing, the Child’s World–A Growing Center Exhibit at 3-on-3 game na kung saan ang family team ay makikipaglaro sa celebrity team.

Ang tickets ay mabibili sa lahat ng SM Ticketnet outlets, Child’s World, 732 N.S. Amoranto Ave., SMH, Quezon City o tumawag sa 783-7568 at 712-4722.