Maxene Magalona, ayaw paligawan ni Francis M

Kung maalagaan nang husto ang career ni Maxene Magalona, anak ni Francis M., ay baka sumikat ito nang husto. Baka rin maungusan pa niya ang kasikatan na inabot ng kanyang ama.

Sa kasalukuyan ay nasa Regal Films ito, kasama sa grupo ng mga bagets na nasa cast ng Singsing ni Lola, halloween offering ng nasabing movie outfit.

At 5’7’’, at sa edad na 16, malaki ang potensyal ni Maxene na sumikat. Kaya siguro, ayaw muna siyang pag-isipin ng kanyang ama ng tungkol sa pag-ibig. Saka na raw kapag 17 na siya. Bawal siyang magpaligaw at bawal tumanggap muna ng manliligaw.

Okay naman ito kay Maxene dahil gusto niyang ituon ang pansin sa kanyang career.

Crush niya si Dingdong Dantes at hindi naman ito bawal sa kanyang parents. After all, bahagi ito ng buhay ng tao.

Ang Singsing ni Lola ay tinatampukan nina Gloria Romero, Aiza Seguerra, Allan K. Gina Alajar, Railey Valeroso, Glaiza de Castro sa direksyon ni Uro dela Cruz.