FPJ, nag-enroll na sa UP

It looks like seryoso na si Fernando Poe Jr. sa kanyang plano na tumakbo sa 2004 presidential election. Nag-enrol na raw kasi si FPJ sa University of the Philippines — special political course para sa mga gustong mag-pulitiko na walang political background. Ganito rin ang ginawa no’n ni Mayor Vilma Santos bago siya tumakbong mayor ng Lipa, Batangas. Ayon sa isang source ng Baby Talk, nagbabasa-basa na rin ng books si FPJ na obviously ay preparation sa kanyang candidacy sa 2004.

May PR group na rin daw na kinausap si FPJ na magha-handle ng publicity niya starting next year. Actually, ngayon pa lang may kinakausap na ang camp ng action king na magha-handle ng publicity ng movie niya na possible entry sa Metro Manila Film Festival ngayong December. Hindi naman daw usually ganoon ka-aggressive si FPJ sa publicity ng movie niya, pero this time, mukhang seryoso raw si FPJ kaya malakas ang pakiramdam nilang tatakbo nga ito sa kabila ng maraming denial.

"Siguro naman kung wala siyang plano, hindi na siya maghahanap ng PR," comment ng isang veteran writer na kilala ang action king. No’ng una, hindi rin naman siya convince sa mga tsismis na pagkandidato ni FPJ, pero nang malaman niyang naghahanap ito ng PR, na-confirm niya ang plano ng actor.

In any case, favor na favor pala ang kababaihan sa sinasabing kandidatura ng action king. Gusto raw kasi nilang maging first lady si Susan Roces na matagal na nilang idolo.

Sa ngayon, wait and see muna tayo kung ano talagang decision ni FPJ.

*****

Eight years na pala ang Ma-Aga ang Pasko sa Jollibee, ang project ni Aga Muhlach and Jollibee, ang leading fastfood chain sa bansa na nagbibigay ng extra-special, extra season para sa tens of thousands of unprivileged children sa pamamagitan ng toy and book drive.

Ang nasabing donation drive, which is the result of the partnership between Aga and Jollibee, is the longest-running gift collection drive sa bansa at may pinakamaraming benificiary.

Kaya ngayon pa lang, naga-accept na ang Jollibee ng mga book and toy donation mula sa mga kababayan natin partikular na ang mga kabataan na mag-donate para sa nalalapit na Kapaskuhan.

In any case, bukod sa Ma-Aga ang Pasko sa Jollibee, busy din si Aga sa promo ng Kailangan Kita, na medyo daring siya. Actually, mas daring daw si Claudine na nag-topless sa movie na ginawa niya for the first time.

*****

Very timely ang showing ng horror movie ng Regal Films, Singsing ni Lola starring Gloria Romero sa Halloween season. Parang ang Regal lang ang nag-isip na gumawa ng pelikula kasabay nang paggunita sa Araw ng mga Patay next week. Alam naman natin na maraming iba’t ibang kuwento tuwing sasapit ang ganitong panahon. Pero mas nakakatakot daw ang Singsing ni Lola kesa sa mga kuwentong naririnig natin.

Introducing sa peli-kulang ito si Maxene, daughter ni Francis Magalona (granddaughter of Pancho Magalona and Tita Duran). Nauna nang napanood si Maxene sa mga youth oriented show ng GMA 7. At 16, matured nang sumagot sa mga questions ng press si Maxene nang dumating ito sa presscon ng Singsing… Na-mention niya na sa showbiz, crush niya si Dingdong Dantes. "Gusto ko kasi ‘yung matangkad, medyo tsinito," she said. Memorize rin niya ang karamihan sa song ni Francis. Actually, nagbigay pa nga siya ng sample.

Ka-loveteam niya rito ang newcomer na si Railey Valeroso na anak ng isang military colonel. Pero masyado pa silang bata para ma-link.

Sila lang bagets sa pelikulang ‘to na dinirek ni Uro dela Cruz and set to kick off on October 30.

Hindi dumating si Allan K sa presscon dahil galing pa raw itong Dagupan.

*****

Kuwento ng Sports Editor naming si Ms. Dina Marie Villena na kararating lang from Busan, South Korea, star talaga sina Mikee Cojuangco sa katatapos na Asian Games. Bukod daw kasi sa silver medallist ang equestrian team nina Mikee (gold medallist for individual competition), Toni Leviste, Michelle Barrero and Danielle Cojuangco, sila lang daw ang magaganda. Majority men daw kasi ng participants sa equestrian. Or kung meron naman daw female, hindi kasing gaganda nila Mikee. Kaya halos lahat daw ng natalo sa equestrian, nagpakuha ng picture with Mikee and the rest of her group. "Pinagkaguluhan talaga sila dahil sila lang talaga ang magaganda," Ms. Dina recalls.

Kuwento rin niya, sobrang sweet ni Mikee and Dudut before pa ng game ni Mikee. Almost all the time raw ay magkasama ang dalawa kahit sa panonood ng ibang games.

At any rate, nag-invite ang manager ni Mikee na si Ms. Girlie Rodis sa blow-out party ng kanyang alaga sa Wack-Wack country Club last Friday night. Dumating si Pangulong Gloria Macapagal Arroyo at immediate family members ni Mikey at mga kaibigan sa showbiz like Rachel Alejandro and Geneva Cruz.

*****

Salve V. Asis’ e-mail - psnbabytalk@hotmail.com / sva@i-next.net