Slapshock sa Music Warehouse Baliuag

Patuloy ang pagbisita ng rap-metal band na Slapshock sa mga pangunahing nightspots ng bansa.

Ang next stop ng banda matapos ang matagumpay nilang leg sa Shooters Billiard Hall sa Zamboanga City nuong nakaraang Setyembre 22, ay magaganap na bukas, Setyembre 25 sa Music Warehouse sa Baliuag, Bulacan.

Ang mga fans ay tiyak na maliligayahan sapagkat aawitin ng banda ang piling mga awitin mula sa kanilang recent hit album na "Project 11-14", under sa Virgin-EMI Records.

Ang iba pang mga shows sa bar tour ay sa COC Music Garden sa Carriedo, Manila (Setyembre 26), at Sound Stage sa Cainta (Setyembre 30). Ang bar tour ng Slapshock ay suportado ng Dickies Jeans USA, NU 107, Red Horse Beer, MYX on Studio 23, Air Philippines at ang Virgin Label ng EMI.