In good terms sina Camille, Heart at Angelika Panganiban at paminsan-minsan ay lumalabas sila para gumimik at kadalasan, sa mall ang kanilang target. Maliban dito ay walang mintis ang kanilang pagpapalitan ng text messages kaya kahit hindi sila nagkikita araw-araw ay tuloy pa rin ang komunikasyon ng tatlo.
Sa tatlo, sina Camille at Heart ang nagkikita tuwing taping ng Arriba! Arriba.
Next year ay debutante na si Camille at ayon sa kanya ay pinaghahandaan ito ng kanyang pamilya at pati na ng ABS-CBN.
Inamin din ni Camille na hindi sila masyadong nagkikita ni Danilo Barrios na siyang inila-loveteam sa kanya. Busy raw ito sa rehearsal ng kanilang Streetboys at karagdagan pa ang pelikulang ginagawa ng young actor.
Ang balita ay naghahanap ng bagong young actor na hindi pa identified sa kanino mang loveteam para kay Camille. Bilang paghahanda ito sa kanyang launching bilang bida. – Alex Datu