3 henerasyon ng babaero

Sa bagong pelikulang drama-sex-comedy na Tukaan ng Leo Films na sinulat ni Dennis C. Evangelista at dinirek ni Armando A. Reyes, tatlong henerasyon ng babaero ang ipakikita, ang anak (Allen Dizon), ang ama (Lito Legaspi) at ang lolo (Berting Labra) na pare-parehong matitinik sa chicks at literally, (fighting) cocks o sasabungin.

Tatlong babae naman ang biktima ng kalikutan dito ng bidang si Allen, sina Halina Perez, Clarissa Mercado at Tracy Torres. Si Odette Khan naman ang ex-wife na nagdusa sa babaerong si Lito. Ayon sa takbo ng kuwento, marami nang pinaluhang anak ni Eva ang nag-uulyanin na ngayong si lolo Berting.

Kung paano magsasala-salabat ang buhay ng mga nabanggit na tauhan at lulusutan ang mga pagsubok–ang siyang ipakikita sa Tukaan na malapit nang itanghal sa Setyembre 18 o 25.