Pelikulang Pilipino, nagpasikat sa Cinemanila 2002

Kasama sa ipinalalabas sa ginaganap na Cinemanila 2002 at mapapanood sa Greenbelt theaters ay ang mga outstanding works ni Mike de Leon gaya ng Kakabakaba Ka Ba?, Aliwan Paradise, Bayaning Third World, Agosto 13 at Itim, Agosto 14. Siyam na pelikula lamang ang nagawa ni De Leon at tatlong short films pero itinuturing siyang isang henyo sa larangan ng paggawa ng pelikula. Ang iba pa niyang trabaho ay ang Kung Mangarap Ka’t Magising, Kisapmata, Batch ’81, Bilanggo Sa Dilim at Hindi Nahahati Ang Langit.

Nagluluningning din sa nasabing filmfest ang mga trabaho ng ilan nating neglected short filmmakers. Sa 13 entries, 6 are in competition: Bakas ni Chris Martinez; Litrato ni Bernice de Leon; Batingaw ni Lawrence Cordero, Biyaheng Barya, Sitcom at House Under The Crescent Moon.

Non competing naman ang Supot ni AM Sugatan, Jr.; Bongga, Pam Miras; Dirty Mirror, Ana Gonzales; Greaseman, Khavn dela Cruz; Kilapsaw, Chris Martinez; Midnight Sale, Mes de Guzman at Sapatero, Anjanet Rase.

Dalawang pelikulang Pinoy are in competition– ang Hubog ni Joel Lamangan starring Assunta and Alessandra de Rossi at ang Bagong Buwan ni Marilou Diaz Abaya na nagtatampok kay Cesar Montano.