Ilang buwan na rin ang nakalipas nang mag-cool-off ang dalawa at umaasa, lalo na si Beth na magkakabalikan din sila. Hanggang ngayon ay umaasa pa rin ang aktres na isang araw ay tatawag sa kanya ang dating syota at hindi lamang makikipagbalikan kundi yayayain na siyang pakasal.
Isang source ang aming nakausap at sinabing iniyakan ng aktres ang paghihiwalay nila ng kanyang kasintahan. Isang pagpapatunay na nagkaroon siya ang matinding pagmamahal sa dating bf. Hindi naman nagkulang sa paalala ang aming kausap na huwag masyadong ibigay ng buo ang kanyang pagmamahal sa kanyang bf dahil hindi pa siya nakakasiguro na magkakatuluyan sila. "Ayaw kong isipin na magkakatotoo ang aking hinala na nagamit lang ang aking kaibigan para sa kapakanan ng isang taong naghahangad ng popularidad para sa napiling propesyon," himutok ng aming kausap.
Nakailang kasintahan na rin si Beth at hindi nagtagal ang relasyon pero sa kanya, pagsubok lang ang lahat. Kailangang dadaanan niya ang mga bagay na lalong magpapalakas sa kanyang pag-iisip. — Alex Datu