Pinabulaanan din nito na walang katotohanan iyong kumakalat na intriga na kaya nakahanda na siyang magpakasal sa kanyang nobyo ay dahil mayaman ito. Hindi niya kailangan ang maraming pera ng kanyang nobyo dahil malaki naman ang kanilang namanang kayamanan mula sa namayapang lolo nito. Pag-ibig ang dahilan kung bakit siya magpapakasal sa isang lalaki at kung bakit siya nakahandang magpabuntis uli.
Sa pelikulang D’ Uragons ay makikitang hindi siya ang ibenebenta sa naturang pelikula kundi ang mga leading na sina Eddie Garcia at Andrew E. Aminado ang aktres na hindi pang bida ang kanyang papel pero hindi naging dahilan iyon para di niya tanggapin ang naturang pelikula, ‘‘Okey lang iyon. Ako naman ang leading lady ng bida eh. Kaya ko naman tinanggap iyon ay dahil I’m making a comeback after two years na wala akong nagawang movie.
Kasama ni Angelu sa naturang pelikula si Joko Diaz ang ama ng kanyang panganay na si Nicole na masyadong inintriga ang kanilang pagsasama kaya nauwi sa wala ang bubuuin sana nilang pamilya.
‘‘At this point, I don’t have to be emotional. I have to face the reality. Kailangang magpakatotoo ako para sa dalawa kong magagandang anak na dapat mabigyan ko ng magandang kinabukasan. Hindi ko hinihintay ang suporta ng kanilang mga ama dahil kakayanin kong buhayin sila.’’ (Ulat ni Alex Datu)