Cogie/Judy Ann, naka-relate sa kanilang pelikula

Fresh mula sa tagumpay, both commercially and critically sa kanyang last movie with Sharon Cuneta, Magkapatid, nagbabalik si Judy Ann Santos sa light stuff, sa pelikulang feel-good/feel light romance comedy-drama, Pakisabi Na Lang... Mahal Ko Siya na inspired sa hit song ni Aiza Sequerra.

Sa Magkapatid, heavy ang role ni Judy Ann bilang young mother na hindi natupad ang pangarap dahil sa pag-aasawa ng maaga. Sa Pakisabi Na Lang... isa siyang teacher, a role na nagkaroon ng soft spot sa kanyang puso, dahil bilang bata, nangarap siyang maging teacher at nag-act magturo sa kanyang schoolmates sa Mt. Carmel.

Leading man ni Judy Ann sa pelikula si Cogie Domingo na nakilala sa heavy-serious drama dahil sa kanyang pagganap bilang batang inmate sa Deathrow kasama ang nag-iisang si Eddie Garcia. Sa Pakisabi Na Lang..., malapit din sa puso ng actor ang kanyang role – bilang problem student, anak ng isang ma-impluwensiyang tao (Eric Quizon) na siyang dahilan kung bakit nanatiling nasa iskuwelahan si Cogie.

"This is a welcome role," sabi ni Judy Ann sa kanilang pelikula ni Cogie. "I feel more comfortable playing characters in my age bracket."

In the past, nakapareha na ng actress sina Luis Alandy, Dingdong Dantes, Piolo Pascual, Jinggoy Estrada at Mikey Macapagal-Arroyo, pero lahat sila ay hindi nagkaroon ng chance makahalikan si Judy Ann sa lips na ginawa nila ni Cogie sa pelikula. Mas bata ang actor kay Juday kaya sinasabing malabo silang i-match sa isa’t isa. Pero may ilan din namang nagsasabi na age doesn’t matter at puwede silang partner.

Ang pelikula ay dinirek ni Butch Plata na director din ng smash starrer nina Judy Ann at Piolo Pascual, Bakit Di Totohanin.

Ang Pakisabi Na Lang... ay kinunan sa campus na magpapaalala sa youth oriented romance na pelikula, High School Circa at High School Scandal.

Kasama rin sa pelikula sina Alessandra de Rossi, Joel Torre, Cherrie Pie Picache at KC Montero.