Hindi na bago sa teatro si Alma dahil teenager pa lang siya ay sumali na siya sa PETA at Bulwagang Gantimpala. Hanggang maging fashion model, beauty queen at hindi nagtagal naging actress sa pelikula at telebisyon.
Sa teatro, huling napanood si Alma sa Without Seeing The Dawn at Silang Nalugmok sa Dilim, Tagalog adaptation ng Dulaang Balintataw limang taon na ang nakararaan kung saan gumanap siya bilang isang rape victim. At by coincidence, isa na naman siyang rape victim sa Rashomon.
Inamin ni Alma na ang role niya sa Rashomon ang pinaka-challenging role niya sa teatro. "It’s my first English play and I have several monologues," sabi niya. "It’s good to be back. I feel like I’m returning home."
Pinaka-matagal niyang performance ang Ibong Adarna bilang princess na tumagal ng dalawang taon.
Para sa aktres na matagal-tagal na ring walang pelikula, ang most fulfilling aspect sa theater ay ang disiplina. "I also find fulfillment in the human interaction it offers and the intensity in the performances," she adds.
Bukod sa teatro, abala rin siya sa anti-drugs campaings bilang member ng Kill Droga, MAD, Youth on Fire and Dangerous Drugs Board. She’s also into badminton and physical at Planet fitness. Meron din siyang maliliit na negosyo.
At any rate, kasama ni Alma sa Rashomon sina Joseph Lara, Dingdong Rosales, Fermin Villegas at marami pang iba.
Ang Rashomon ay nagsimulang mapanood kahapon, at muling magkakaroon ng perfomances sa July 27, 28 at Agust 4, 10:00 am at 2:00 p.m. sa Pius XII Theater sa UN Ave., Manila.