TV host, sobrang ma-L

Simula nang matapos ang affair ng isang TV host sa isang may asawa ay hinahanap-hanap na nito ang pagmamahal at init na nakuha niya sa unang lover sa mga sumunod niyang relasyon. It got to a point na ang mga nakagisnan niyang values ay kinalimutan na niya. Pati may asawa ay pinapatos na niya. Marami namang binata na nanliligaw sa kanya pero, ayaw niya. Dahil siguro they don’t come on par sa sexual prowess ng mga married. Minsan ay inabot siya ng asawa ng kanyang lover na nakatapis lamang sa bahay nito. It took cooler heads para hindi magkaroon ng malaking iskandalo.

Nagsisimula nang magselos ang Bf ni Assunta

Hindi, walang third party involved sa romansang Assunta de Rossi at Congressman Jules Ledesma. Ang pinagseselosan nito ay walang iba kundi ang dalawa niyang anak na masyado nang madikit sa aktres ngayon, isang siyam na taong gulang na babae at limang taong gulang na babae.

"Wala naman akong ginagawa para mapalapit sa kanila o mahuli ang kanilang mga loob. I just be myself pero, napapansin ko na lumalapit na sila sa akin. Minsan pa nga, I feel nagseselos na si Jules dahil ang trato nila sa akin, hindi na iba. Ang tawag nga nila sa akin Auntie Sam. They tell me things. Kung sabagay, eto lamang naman ang hiling sa akin ni Jules, ang mahalin sila. Hindi mahirap gawin ito dahil mababait sila, disciplined at well behaved," patuloy pa ni Assunta.

Assunta met with the press recently, hindi para pag-usapan ang kanyang lovelife dahil kung siya ang masusunod, mas gusto niyang tahimik na lamang ito pero, ayaw naman siyang tantanan. "Ang dami ngang intriga na ang karamihan ay pawang speculations lamang, hula-hula at hindi totoo," aniya.

She is currently promoting her first wholesome movie, ang Jologs ng Star Cinema na kung saan ay kasama niyang gumaganap ang ilang mga sikat na bagets na artista ng kumpanya, sa direksyon ni Gilbert Perez. Siya ang central character ng movie na kung saan ay nagmula ang maraming subplots.

Maswerte si Dominic Ochoa dahil sila ang magkapareha sa movie. Balita ngang smitten ang aktor kay Assunta kaya nagseselos na raw ang girlfriend nito na si Janna Victoria.

Di dapat ma-Sakripisyo ang istorya

Usung-uso ngayon sa mga TV shows ang ginagawan ng remote telecast sa abroad. Lalo na ang mga variety shows. Sumunod na rin ang sitcoms at maging ang ilang drama shows.

Appreciated ito ng mga manonood dahil parang nakakapunta na rin sila sa ibang bansa. Ang kaso mo, nagiging travelogue ang mga shows, halos wala nang istorya.

Nakakasunod nga sa uso ang show pero pinagdurusa nila ang mga viewers sa mga inferior shows. Katulad ng Kool Ka Lang. Mabuti na lamang nung dito sila gumagawa ng location, hindi nabawasan ang kasiyahan ng mga manonood pero nung pumunta sila ng Australia, the show became less funny, kaya nag-resort ang mga character sa mga parinig at ginamit nila ang mga relasyon na kinasangkutan ng mga artistang gumaganap dito. Tulad nang panliligaw ni Raymart Santiago kay Claudine Barretto. At ni Joey Marquez kay Kris Aquino. Many found this (including Kris and Claudine, I am told) offensive and in bad taste. Okay na gawin ito once or twice pero, kapag maraming ulit na, nakakainis na.

Wala bang pakialam sina Raymart at Joey sa magiging feelings ng mga babaeng supposed to be ay minamahal at iginagalang nila? Nagtatanong lang.