Rich bf, kinalasan ng aktres dahil kulang sa sex

Ang mayamang negosyante ay mahilig sa seksing babae kaya niligawan ang isang sexy at magaling na aktres. Nabibilang ito sa mayamang angkan at bida maging sa kanyang mga kabarkada. Biruin mo nga naman kapag may party ay kasama ng businessman ang aktres kaya inggit sa kanya ang mga kaibigang lalaki.

Wala na yatang mahihiling pa ang aktres sa mga unang taon ng pagiging magnobyo nila dahil lahat ng kailangan niya ay ibinibigay nito alahas, pera, signature outfit at travel with pocket money.

Pero habang lumalaon ay nakikita ng aktres na kulang sa sex ang nobyo. Dalawang beses lang yata siyang naikama ng lover sa loob ng isang taon. Maraming beses ay gustong gantihan ng aktres ang pagiging galante ng nobyo sa pamamagitan ng pagpapaligaya dito pero tumatanggi ito.

Minsan ay talagang naimbyerna ang aktres sa nobyo nang hindi pagbigyan ang kanyang sexual urge, katwiran nito, pagod sa trabaho ang nobyo. Hindi na nakatiis ang aktres, kaya iniwan nito ang nobyo.

Ngayon ay may bagong boyfriend ang aktres na romantiko bukod pa sa pagiging edukado. Blooming ang sexy actress at in-demand pa rin sa mga pelikula.

Glaiza, Ibi-Build-Up Ng Regal

Gandang-ganda kami kay Glaiza de Castro nang makita namin ito sa blessing ng Music Warehouse sa paanyaya ni Anthony Taylor. Nakakontrata ito ng 4-year sa Regal Films para gumawa ng 16 na pelikula. Ang kanyang magiging manager ay si Manny Valera. Ang 14-year old actress ay isa ring magaling na singer. Katunayan ay nakagawa na ito ng debut album under XAX Music na may pamagat na "Magbalik Ka". Nakalabas na si Glaiza sa Cool Dudes at ibi-build-up ng Regal. First year na si Glaiza sa CMIC na nasa pamamahala ng De La Salle College at desidido ring makapagtapos ng kurso.

Una siyang nakita sa Master Showman bilang isa sa mga tinutulungan ng show. Nakita siya ni Mother Lily at binigyan ng break sa pelikula.

"Amelie",Most Nominated Foreign Film

Mahigit sa 125 na kritiko sa buong mundo ang nagpahayag na ang pelikulang Amelie ay isa sa pinakamagandang pelikula sa taong ito. Katunayan ay naging most nominated foreign film ito sa nakaraang Academy at Golden Globe Awards. Naging box-office hit din ito sa Europe, Amerika at iba pang panig ng bansa. Dahil sa pambihirang pagganap ay naging overnight sensation ang bidang si Audrey Tautou sa France at nakilala rin sa Hollywood.

Ang Amelie ay istorya ng isang dalagita na nagtatrabaho sa isang maliit na kapehan sa Paris. Nagkaroon ng pagbabago sa kanyang buhay nang makatuklas ito ng isang lumang kahon ng kayamanan na nakatago sa kanyang tinitirhan.

Inirerekomendang panoorin ang magandang pelikula lalo na ng mga estudyante at working women sa direksyon ni Allen Resurrection. Palabas na sa Metro Manila theaters simula ngayong araw mula sa Solar Films.