Di na "virgin" ang anak ng action star

Nagpupunta rin pala sa isang sikat na sauna bath ang isang bagong young actor. Kwento ng isang female attendant na kapag nagpapamasahe ito ay hubo’t hubad. Kapag minamasahe na ang kanyang singit ay kiliting-kiliti ito. Sa kanyang edad ay sinabi ng masahista na hindi na rin ito "virgin." "Parang katulad siya ng kanyang ama na (isang action star) na magbibilang din ng tsiks balang araw. Ngayon pa lang ay lumalabas na ang pagiging ma-elya nito," sey ng attendant.

Mainstay ng isang pangkabataang programa sa telebisyon ang guwapong young actor.

Tagumpay Ang Star Olympics

Nasaksihan ko ang championship game ng basketball sa Star Olympics gayundin ang awarding ceremony at masasabi kong naging matagumpay ito. Bagamat may nangyaring pikunan na muntik mauwi sa suntukan ay nagkaroon pa rin ng pagkakaisa ang mga artista sa pagtatapos nito. Sa pamamagitan ng Star Olympics ay naging pantay-pantay ang pagtingin sa mga artista lalo na yung kasali sa basketball.

Unang sumalang sa championship round ng Jr. Basketball game, ang Surf White vs. Samsung Silver. Coach ng White Team si Direk Al Tantay at manager naman si Bong Revilla Jr. Coach naman ng Silver Team si Phillip Salvador.

Pagtawag sa pangalan nina Jolo Revilla at kapatid na si Bryan ay nagtilian ang mga manonood lalo na ang mga kabataan.

Kamuntik nang makipag-suntukan si Dino Guevarra kaya pumagitna na si Kuya Germs. Ang laki naman ng itinaba ni Ryan Soler ng Silver at halos hindi ito nakilala ng mga press people dahil medyo nakakalbo na. Malusog din si Robert Ortega.

Naging exciting ang labanan dahil halos maghabulan sa score ang dalawang koponan na ang nanalo ay ang Surf White laban sa Samsung Silver sa score na 29-25. Naging Best Player si Reuben Manahan.

Sumunod na naglaban sa Men’s Division ng basketball para sa kampeonato ay ang Celine Orange na ang coach ay si Ronnie Ricketts katulong si Mat Ranillo III. Si Tirso Cruz III naman ang coach ng Cleene Blue. Nagtilian naman ang mga tao nang tawagin at ipakilala si Mark Anthony Fernandez na mas guwapo ngayon. Magagaling ang halos lahat ng players dahil mabibilis silang tumakbo, magsyut o makipag-agawan ng bola maliban kay Councilor Dennis Padilla na biniro ng emcee na si Smokey Manaloto na Kumander Robot. Mahusay na manlalaro sa Cleene Blue sina Christopher Roxas, Mark Anthony, Wendell Ramos at Carlos Morales bagamat inilampaso sila ng Celine Orange sa score na 82-59 dahil halos lahat ng players sa team na ito ay magagaling at mabibilis tumakbo. Special mention sina Luis Alandy at Antonio Aquitania na nabigyan ng award bilang Best Players ng team. Halos hindi pakawalan ng coach si Luis dahil malaking asset ito kahit bumagsak na ito nang maitulak at hindi nakakilos agad ay muli pa ring sumali sa laban. Kung narito lang ang mag-asawang sina Annabelle Rama at Eddie Gutierrez ay tiyak na matutuwa sila dahil magaling din sa basketball ang kanilang anak na si Rocky Gutierrez na malaki ang naitulong para manalo ang Celine Orange.

Sa awarding ceremony ay tuwang-tuwa ang lahat dahil para silang mga ordinaryong tao at di mga celebrities habang nagpapakuha ng larawan at nagkakasayahan.

Naroon din si Kris Aquino kasama si Deo Endrinal na nanood ng game kahit gabi na kaya parang inspirado si Ipe. Si Ipe kaya ang pinanood niya?

Nag-Sorry Na Si Osang

Kahapon sa Startalk ay humingi na ng paumanhin si Rosanna Roces kay Ara Mina. Nauna na rito ang pagso-sorry ng aktres kina Boy Abunda at Cristy Fermin. Sana naman ay talagang bukal sa kalooban ang kanyang ginawa at panindigan na hindi na ito mauulit pa.

Ma-realize sana ni Osang na she’s not getting any younger at masarap ang pakiramdam kapag wala kang kaaway o nakakasakit sa damdamin ng kapwa. Maganda ang ginawa niyang.

Diether, Pinalitan Na Si Uno

Finally ay si Diether Ocampo na ang ipinalit kay Onemig Bondoc para sa pelikulang Bahid ng Regal Films. Makakapareha nito si Assunta de Rossi. Busy kasi ngayon si Uno at hindi kaya ng schedule niya ang shooting ng said movie kaya kailangan na siyang palitan.

Sa kabilang banda, hindi naman naaapektuhan si Diet kapag sinasabing sinulot niya ang proyekto. Okey lang din sa kanya kahit second choice lang siya. Sinasabing nagpa-flop sa takilya ang mga pelikula ni Diet pero with Assunta as his leading lady ay siguradong makakabawi siya. Bagay na pareha ang dalawa at palaban din sa mga sexy scenes si Diet.