'Bata' Reyes magkakaroon ng movie with FPJ

Movie with Efren "Bata" Reyes Jr. ang magiging filmfest entry ni Fernando Poe Jr. ngayong December. Pero under negotiation pa raw lahat kaya wala pang details.

Basta ang definite lang daw, ang billiard king ang makakasama ni da king sa kanyang festival movie.

*****

Hindi lang pala cool off kundi split na sina Lucky Manzano and Nancy Castiglione. Ito ay contrary sa sinabi ni Nancy na cool-off lang sila ni Lucky. Ayon sa isang source ng Baby Talk, hindi na-patch up ang mga differences ng dalawa kaya nag-decide na lang silang mag-split.

Anyway, maraming impress kay Nancy sa I Think I’m In Love. Talagang pinapalakpakan ang mga eksena niya.

*****

One year and three months na pala si Karen Davila sa ABS-CBN since lumipat siya from GMA 7. At matagal-tagal na rin pala simula nang ma-intriga sila ni Korina Sanchez tungkol sa sinasabing kung sino ang totoong reyna sa kanila sa ABS-CBN News and Current Affairs. Pero last week, magkasama sa presidential table ang dalawa, sa presscon ng DZMM na nagsi-celebrate ng kanilang 16th anniversary.

Magkalayo ang puwesto nila kaya hindi napansin na hindi sila nag-uusap. Wala ring nagtanong during the presscon ng tungkol sa mga intriga sa kanila kaya hindi obvious na may intriga sa kanila.

Anyway, sa DZMM unang narinig sa radyo si Karen, DZMM Pasada 630 kasama si Vic de Leon Lima. "Iba pag nasa radyo ka. Dapat alam mo lahat ng sinasabi mo. Once na sabihin mo on the air, hindi mo puwedeng bawiin, so talagang hindi ka dapat magkamali," she said. Hindi naman siya nahirapang mag-adjust from TV to radio except nga do’n sa kailangang very careful siya at dapat ay alam lahat ng issue na pag-uusapan.

Opinionated pa naman ang format ng show nila na nagi-impluwensiya sa opinion ng maraming tao at the same time, nagpapaabot ng mga nangyayari sa paligid-ligid kaya kailangang tama at favorable sa nakararami ang kanilang sinasabi. 4:30-6:00 p.m ang slot ng Pasada 630.

Anyway, sa pagsi-celebrate nila ng 16th anniversary, iba’t ibang pakulo at outreach programs ang gagawin ng DZMM. May mga exciting contest at pa-promo sa lahat ng programa ng MM sa 16 piling lugar sa Metro Manila, Rizal, Bulacan, Cavite at Pampanga. Pupuntahan ang mga nasabing lugar ng kanilang "Project Caravan Kaalaman" kung saan mismong ang radio hosts at kilalang eksperto ang magbibigay ng libreng lecture at consultation sa pagnenegosyo at urban farming.

Bukod dito, meron ding hands-on training sa emergency preparedness, first aid skills at livelihood skills tulad ng meat processing, candle making, soap making among others ang kanilang ibabahagi sa iba’t ibang lugar.

In any case, sa nasabing presscon humarap lahat ng mga taong boses lang ang naririnig natin sa radyo. Present sina Joey Galvez, Neil Ocampo, Angelo Palmones, Korina Sanchez, Winnie Cordero, Tina Monzon Palma, Kaye Dacer, Karen, Vic, Ernie Baron at ang kanilang station manager at host ng "Radyo Negosyo" na si Mr. Peter Musngi na naririnig every Saturday, 7-8 p.m.

Nagsisimula ang mga programa ng DZMM sa pamamagitan ng mga news programs - Gising, Pilipinas, 4:00 a.m., susundan ng Todo Balita pagdating ng alas-singko, Radyo Patrol Balita sa alas-siyete, Korina sa Umaga sa alas-otso, Pasada 630, alas 4:40 at oras oras na news updates at mga radyo patrol reports.

Of course, hindi rin sila mawawalan ng public service show - Aksyon Ngayon, Radyo OFW, Usapang de Campanilla at ang Mga Payo ni Campañero Cayetano para sa mga nangangailan ng tulong na legal, Dra. Bles@Ur Serbis at Dr. Love hosted by Joey Galvez.

At dahil in na in ang text, kasabay ng 16th anniversary nila ang launching at pago-open sa mga listeners sa pagti-text sa 2366 ng mga balitang nasasaksihan (Txtpatrol), poll survey (DZMM poll) at reaction sa mga issue (DZMM react) o puwedeng tumawag sa DZMM Hotlines`/ 416-6300, 924-1522, 9242615 at 921-1998.

*****

In ngayon ang title ng mga English na maging title ng pelikula. After Got 2 Believe and I Think I’m In Love na parehong smash hit, here comes another movie na ang title ay kinuha sa title ng hit song ng Side A, Forevermore starring Jericho Rosales and Kristine Hermosa na nagkaroon ng presscon yesterday over lunch.

Actually, ito ang magsisilbing launching movie nina Jericho and Kristine pagkatapos mag-click ang loveteam nila sa Pangako Sa ‘Yo.

In the movie, Kristine (Marian) grew up in the hacienda na secretly in love kay Jericho (Anton) who left with his father papunta ng Manila nang maghiwalay ang kanyang magulang na naniniwala sa kasabihan that the mango trees will bear sweet fruits kung ang nag-aalaga ay nagmamahalan din tulad ng lolo ni Anton na si Don Alejandro at late wife nitong si Isabela.

Pero hindi nagtagal, kinailangang bumalik ng hacienda si Anton nang atakihin sa puso ang kanyang lolo. Iniwan na rin niya ang kanyang career bilang civil engineer. Do’n niya nakita uli si Marian na nagtatrabaho sa kanyang lolo bilang administrative assistant.

Nang unti-unti nang napapamahal si Anton sa kanilang hacienda, lalo na kay Marian, bigla namang dumating ang girlfriend niya sa Manila kasama ang balitang na-approve ang P250-million project proposal.

Will he choose career over love, or the other way around?

Ang newcomer director na si John D. Lazatin ang nag-handle ng pelikula. "It’s a positive story with positive values and a positive ending," he said.

Nakalagay sa press release na in real life, it’s love that makes Jericho and Kristine’s world go round, pero sa beginning pa lang ng presscon na nagsimula ng 2:30, sinabi nila na never naman silang nag-on kaya paano nga naman sila magi-split?