Nag-react sa Juday issue

Sinabi ni Kuya Germs na kailanman ay hindi niya matatawag na isang walang utang na loob na artista si Judy Ann Santos. Ipinagtaka nito kung saan napulot nang nagsulat ang ganoong pahayag mula sa kanya na kung tutuusin ay di niya nakausap ang naturang writer na sumulat ng naturang balita.

Ayon sa nabalita sa dyaryo ay sumama ang loob ng Master Showman dahil hindi man lang naisama ni Juday ang pangalan nito sa kanyang pinasalamatan noong nagkaroon ito ng birthday special sa Dos.

"Naku, sobra naman yan. Tama na sa akin yong pasalamatan ako ng minsan. Okey na yun sa akin at hindi na ako umaasa na sa bawat pagpapasalamat nila sa isang show ay kailangan isama pa ako doon," isplika ni Kuya Germs.

Anak ang turing ni Kuya Germs kay Juday dahil halos sa That’s Entertainment na lumaki at nakilala. Malaking pakunswelo na sa Master Showman na palaging nandidiyan si Juday kung kinakailangan siya sa programa nito kaya naman, di nito lubos maisip kung bakit nagkaroon ng intrigang sangkot silang dalawa ng anak-anakan niyang si Juday.–Alex Datu