Maricar, sumabak sa komedi

Nang ipasya ng World Arts Cinema producer na si Ma’m Jojo Galang, na isabak sa comedy picture na Utang Ni Tatang ang sexy actress na si Maricar de Mesa, laking tuwa nito dahil maiiba naman daw ang linya na kanyang lalabasan.

‘Hindi talaga ako makapaniwala na masasama ako sa pelikulang yan. Akala ko kasi sa mga sexy movies lang nila ako isasama, eh. It’s an honor for me. Noon ko pa talaga gustong gumanap sa iba’t-ibang klase ng pelikula.

"Syempre, hindi lang naman ako sa pagbo-bold pupwede. Gusto ko rin mapanood nila ako sa mga wholesome movie at the same time, maipakita ko na uubra din ako sa ganung role." Masayang pahayag ni Maricar.

Ang Utang Ni Tatang ang isa sa pelikula ng dating member ng That’s Entertainment ang unti-unting mag-aalis sa image niyang boldstar.

"Dito sa Utang Ni Tatang, makikita at mapapanood nila ang kakayahan ko sa comedy. Basta, bahala na silang humusga sa akin. Pang Manila Film Festival ito." Pagtatapos pa niya. — Mar Muñoz