Piolo, nag-hubo't hubad na rin!

Sa pelikulang Dekada ‘70 ng Star Cinema unang makakasama ni Piolo Pascual si Ms. Vilma Santos at sa unang pagsasama nila sa syuting ng pelikula ay agad bumilib ang aktor sa Star For All Seasons. "Despite her being a superstar, di ko akalain na ganoon siya ka-down-to-earth, she is very helpful."

Isa pa sa ikinabibilib ng aktor sa lady mayor ay hindi nito pinapabayaan ang kanyang mga kasamahang artista. Madali itong lapitan at madaling magbigay ng tulong tungkol sa pag-arte.

Sa naturang pelikula ay pumayag ang aktor na maghubo’t hubad. Hindi naman naging mahirap ang pagkumbinsi sa kanya dahil kailangan ito sa istorya.

Sa Lagarista na naglunsad sa kanya sa pagiging isang aktor ay nagpakita si Piolo ng kaseksihan sa bed scene nila ni Janna Victoria. Sa Dekada ‘70 ay mahahantad ang kabuuan ng kanyang likod mula itaas pababa. "Aktibista ako dito at nabilanggo. Torture scene iyong hubot’ hubad ako na nakatali ang kamay. Pumayag akong walang saplot ang aking katawan dahil nakatalikod naman ako sa kamera eh," ani Piolo. (Ulat Ni Alex Datu)