Na-engkanto at di namatay sa bangungot si Rico

Sari-saring bersyon ang naglalabasan tungkol sa untimely death ng matinee idol na si Rico Yan. Nandiyang palabasin ng iba na droga ang sanhi ng kamatayan nito. Meron namang nagsasabi na may foul play na naganap. Tapos ang lumabas naman sa autopsy ng sikat na young-actor ay namatay ito dahil sa "acute hemorrhagic pancreatitis resulting to cardiac arrest" o mas kilala sa tawag na bangungot.

Para maliwanagan ang lahat, kinunsulta namin ang sikat na manghuhula sa buong Asya na si Bro. Arman Cuban. Kung ano ang vibes nito sa maagang pagkamatay ni Rico Yan. Ayon pa sa millennium psychic, natatawa na lang daw siya sa dami ng mga nagki-claim na kapwa niya mga manghuhula na sila ang nag-predict ng kamatayan ni Rico. Well, hindi naman daw sa pagyayabang pero sa nakaraang mga hula niya sa kanyang kolum sa iba’t ibang babasahin. Hinulaan niyang isang sikat na young-actor ang mamamatay ngayong taong ito. Hindi naibigay ni Bro. Arman ang dahilan pero sinabi niyang after Nida Blanca, dalawa hanggang tatlong artista pa ang mamamayapa this year (lumabas ang hula niyang ito dito sa Pilipino Star Ngayon ilang buwan na ang nakakaraan). After Nida, namatay si Maria Theresa Carlson. Sinundan nga ito nina Rico Yan at Diomedes Maturan. At narito ang prediction ni Bro. Arman, sa naging sanhi ng maagang pagpanaw ng idolo ninyong si Rico Yan.

Ayon pa sa millennium psychic, pagdating pa lang nina Rico, Dominic Ochoa, Janna Victoria at tauhan ng Talk and Text sa Dos Palmas sa Palawan noong nakaraang Holy Monday ay kinatuwaan na ng mga engkanto ang matinee idol kinagabihan. Kaya noong Huwebes ng gabi nang magkantahan sila ni Dominic Ochoa sa clubhouse ng Dos Palmas, nagkukulay ube na si Rico, kitang-kita ito sa huling video footages niya sa kuha ni Arnold Clavio. At kaya di na siya nagising noong Huwebes ng madaling araw ay dahil gabi pa lang ay kinuha na ang kaluluwa niya ng mga engkanto. Sa ngayon, nabawi na ito kaya makaaakyat na sa Itaas ang young-actor.

Di lang si Rico ang unang nabiktima ng mga engkanto na nakatira sa paligid lamang ng isla ng Dos Palmas. Ipinapayo ni Bro. Arman sa pamunuan ng Dos Palmas na magtirik ng "tatlong itim" na kandila tuwing Martes at Biyernes. Nang sa ganoon umalis na ang masasamang espirito sa kanilang resort. Samantala, ngayon taon ding ito, kapag di raw nag-ingat ang sikat na young-actress at young-actor na may parehong programa sa isang sikat na TV network ay maaaksidente ang mga ito na posibleng maging sanhi ng maaga nilang kamatayan. Para huwag mangyari ang trahedyang ito ipagdadasal kayo ni Bro. Arman. Sa mga gustong magpahula, magpagamot ng kahit na ano’ng mga sakit, feng-shui. Ganoon na rin sa mga gustong mag-avail ng pampa-suerte sa negosyo at pag-ibig na napaka-epektibong "Lucky Charm", maaari po ninyong tawagan si Bro. Arman sa tel. nos. 837-9767 or cell. 0919-6016198. O maaari rin po kayong magsadya sa kanyang tanggapan na matatagpuan sa No. 23 Daisy St., Purok 6-C Lower Bicutan, Taguig Metro Manila. – PL