"Type nga po nina Mommy at Daddy na magkaroon ng bonggang birthday party dahil debut ko raw. Pero, tinutulan ko yun. Tama na yung simpleng kaarawan. Kasi, sa dami po ng kababayan natin na naghihirap, tapos magse-celebrate ka ng engrandeng party, parang di ko po yun ma-take. Nararamdaman ko yung paghihirap nila. Basta makaraos lang, sapat na po sa akin yun," may pusong pahayag ni Lovely.
Ang isang bagay na higit na nakapagpapaligaya sa dating child actress ay yung nalalapit na showing ng pelikulang Huwag Mong Takasan Ang Batas kasama sina Ynez Veneracion at Rommel Padilla sa direksyon ni Carlo Montero.
Mahaba at maganda ang role dito ni Lovely. Bulag na kapatid ni Rommel at marami ang bumilib sa kanya dun sa eksenang napatay si Rommel, todo talaga ang pag-arte niya. Sabi ng mga nakapanood ay puwede siyang maging magaling na aktres. — Mar Muñoz Cay