Alma's 'Heart & Soul' concert ngayong gabi

Sinasabi ng marami na pinakamabilis daw na paraan para maka-recover sa broken heart ay lubhang abalahin ang sarili, para hindi magkaroon ng pagkakataon na maisip pa ang mga masasakit na pangyayaring nagdaraan sa ating buhay.

Totoo marahil ito. Pinakamagandang halimbawa si Alma Moreno na simula nang makipaghiwalay sa kanyang asawa ay hindi na napahinga ang isip, palagi siyang may ginagawa.

Mamayang gabi, Mar. 21, 9:00, may gaganapin siyang concert sa Downtown ng Hotel Rembrandt na pinamagatang Heart & Soul. Makakasama niya sina Leonard Obal, Raffy Chan at the Kit Kats, sa direksyon ni Andrew de Real. Expect new jokes, musical numbers at especially choreographed dance ni Alma na tinawag nung "Tanga Queen" at "Loveliness" ng kanyang mga tagahanga.

Tawagan si Lilibeth Peña para sa mga tiket (0916-3255088). Makakabili rin sa Rembrandt Hotel.