Galit ang mga kapitbahay kay Kuh

For the record, si Aga Muhlach ang totoong box office king sa Guillermo Memorial Scholarship Foundation, Inc. at hindi si Robin Padilla na naunang nakalagay sa ‘official list’ na inilabas supposedly ng GMSFI last week.

Actually, maraming nag-react sa unang resulta dahil common knowledge naman na parehong hindi kumita ang pelikula ni Robin last year - Buhay Kamao and Pagdating ng Panahon. Samantalang si Aga, ilang linggong ipinalabas sa mga sinehan ang Narinig Mo Na Ba Ang L8est? with Joyce Jimenez and Pangako Ikaw Lang with Regine Velasquez.

Hindi pa raw tapos ang voting nang ilabas ang nasabing list kaya hindi ‘yun ang official result.

Next time dapat, hindi naglalabas ang kahit sino na taga-Guillermo ng hindi official. Walang kasalanan si Robin, biktima lang siya na kagagawan ng iilang tao. At kung walang naghabol o nagtanong tungkol do’n baka nakalusot ‘yun. At si Aga Muhlach, hindi sana naibigay sa kanya ‘yung title na hindi naman sana hinihingi pero deserving naman niya.

*****

By the time na binabasa n’yo ito, nakaalis na ng bansa ang French pop diva na si Larusso na dumating sa bansa last week para sa promo ng kanyang second album (self-titled) under EMI Philippines, Inc.

Sa Cebu at Davao unang nag-concert si Larusso. Sa Manila ang huling concert - sa The Fort last Friday night.

Walang star complex si Larusso nang humarap sa press in a mini-presscon over merienda sa Discovery Suite. In fact, very comfortable siya talking sa mga media and she tried her best para mag-English although hindi siya ganoon ka-fluent.

In any case, very attached siya sa kanyang family. She also revealed na ang mommy niya mismo ang bumibili ng mga sexy dresses niya. In fact, she can’t survive raw without her family. At kahit saan daw siya magpunta, hindi puwedeng iwan ang mom niya na during the presscon ay may hawak na handycam.

Pero bad news sa mga men na nagi-ilusyon kay Larusso. Very much in love ang French diva sa kanyang French boyfriend na ayaw niyang i-reveal ang name. In fact, sabi nga niya, miss na miss na niya.

Anyway, nang sabihin sa kanya ng EMI International na pupunta siya ng Pilipinas, medyo na-shock siya at nagtanong kung bakit siya ang pupunta. Marami raw ibang recording artist ang EMI. Pero sabi raw ng EMI executive, sikat siya sa bansa at naa-appreciate ang mga songs niya kahit hindi naiintindihan ng mga kababayan natin ang lyrics.

Wala siyang apprehension compared sa ibang foreign artist na natatakot sa Abu Sayyaf pag dumarating sa bansa. Importante raw sa kanya, gusto ng Filipino ang songs niya. ‘Yun ang naging main consideration.

For her, kumakanta rin siya not because of money kundi ‘yun talaga ang interes niya. Stupid for Larusso kung pera lang ang consideration ng isang singer.

In any case, nine years old siya nang mag-start siyang kumanta sa family reunion nila.

Since then nagi-enjoy na siyang kumanta. And once na humarap siya sa audience, wala siyang bad mood, always high energy siya.

At the age of 22, Larusso makes her comeback pagkatapos ng phenomenal hit na "On Ne S’aimera Plus Jamais" with 12 songs mixing the sounds of yesterday and today. Although hindi nga natin naiintindihan ang mga song niya, still she touches on all conditions of love and tells us stories through her ballads. Pero sa mga nakakaintindi ng French will surely find the song that they can relate to. "J’attends Tout" - tungkol ito sa ideal relationship, "Il Faut Se Le Dire" - break up, "J’ai Sample Tes Mots d’Amour" - a wink at new technological advances, "D’isi Ou d’Ailleurs" - the university of love, "Te Quiero" - declaration of feelings, "Prend Garde A Toi" - the time of reckoning at ang initial single "Entre Nous" - which recounts the regrets of past love.

Simple lang ang message ni Larusso sa kanyang mga kanta, she speaks to us with her words, her emotions and her powerful singing voice.

At any rate, available na sa Philippines ang self titled album ni Larusso under EMI-Virgin Philippines.

*****

Isang malaking advantage ng gameshows ng ABC 5 laban sa kumpetisyon ay halos wala kang gastos para sumali. Selyo lang, o kaya’y isang trip sa ABC studios para mag-audition, puwede ka nang maging contestant. ‘Di gaya sa ibang gameshow na kailangan kang mag-invest ng malaking pera sa pagtawag sa telepono para magkaroon ng chance na mapabilang sa mga contestant. Tapos, waiting in line ka pa. Let’s do the Math. May mga napabalita na gumagastos ng sampung libo sa telephone calls para makasali. Eh kung malasin ka at sampung libo rin lang ang napanalunan mo - o kaya’y nabokya ka , eh di abono ka pa!

Sa totoo lang, bukod sa sponsors at advertisers, isang malaking source ng kita para sa ibang istasyon ang mga phone calls dahil may share sila sa revenues. Kaya nga naman kailangan ng DTI approval ang ibang gameshows dahil may binibili kang produkto (in this case ang telephone service) para ka makasali sa game. Para bang mga raffle na kailangan kang maglakip ng wrapper ng binili mong produkto para ma-qualify ang entry mo.

Tungkol naman sa mga premyo - sa biglang tingin, nakakagulantang yung one million o two million pesos prize at stake. Pero ilan na ba talaga ang nanalo ng one million?

Sa Wheel of Fortune, dalawa na ang nanalo ng kotse - isang Mitsubishi Adventure at isang Ford Lynx.

Sa Price is Right naman may nanalo na ng Kia Pregio. Bukod d’yan, may iba pang prizes in kind na kung susumahin bawat pakete ay kulang-kulang na one million pesos ang halaga.

Kaya naman dumadagsa na ang contestants sa tatlong gameshows ng ABC - Wheel of Fortune, Family Feud at Price is Right. At pataas na nang pataas ang ratings ng tatlo, dahil bukod sa masaya at madali, hindi pa magastos sumali.

Anyway, type ni Rustom Padilla, host ng Wheel of Fortune na siya mismo ang mag-deliver ng Ford Lynx na napanalunan ni Rolly Villanueva last Saturday. Ibig sabihin, si Rustom mismo ang pi-pick up ng Ford Lynx sa display room ng dealer, tapos ida-drive niya hanggang sa bahay ni Rolly sa Galas, Quezon City.

*****

Na-offend daw ang mga kapitbahay ni Kuh Ledesma sa Pasay dahil gusto nitong ipaayos ang kani-kanilang harapan para maging presentable raw.

Ayon sa isang source ng Baby Talk, nag-offer si Kuh na pinturahan ng libre ang mga bakod ng kapitbahay niya para magandang tingnan dahil nga sa mga customer niya sa Good News Cafe.

Pero hindi raw naging maganda ang approach ng pop diva sa neighbors niya dahil ang pakiramdam nila, namumulitika lang ang singer ngayon pa lang.