Sharmaine, dawit sa Alma-Joey isyu

Magsasalita ngayong hapon sa S-Files si Sharmaine Arnaiz sa isyu ng paghihiwalay nina Alma Moreno at Joey Marquez. Isa si Sharmaine sa sinasabing dahilan nang paghihiwalay ng mag-asawa bukod pa sa sinasabing ‘boyfriend’ ni Alma.

May one-on-one interview din si Paolo Bediones kay Alma samantalang si Janice de Belen naman ang naka-assign kay Joey.

Pahaba nang pahaba ang issue tungkol sa kanilang paghihiwalay at sa pagkakataong ito ay sasabihin nila ang katotohanan sa mga kontrobersyang kinasasangkutan nila.

Bukod sa kontrobersiya na Alma-Joey, magsasalita rin si Sharmaine tungkol sa plano nila ni Bunny Paras tungkol kay Mo Twister na balitang pupunta na ng Australia para sundan ang girlfriend niyang si Janette McBride. May anak si Mo kay Bunny.

Lahat nang ‘yan at marami pang iba ngayong hapon sa S-Files. (Ulat ni LGC)