Music video nina Regine at Ogie, ilulunsad sa SOP

Ang music video ng "Hanggang Ngayon", ang bagong single ni Ogie Alcasid at Regine Velasquez, ay ilulunsad sa Linggo, Enero 27, sa SOP. Ang bagong video clip ng pop singer/composer at singbird ay nagpapakita ng iba’t ibang makasaysayang lugar sa Maynila. Ang atmosphere ay napaka-romantiko, tulad ng kanta at ng pelikula kung saan ito nanggaling "Ikaw Lamang, Hanggang Ngayon". Isinulat ni Ogie mismo at napapaloob sa bestselling album "A Better Man" sa ilalim ng Viva Records. Samantala, kasalukuyang naglilibot si Ogie sa mga malls upang i-promote ang kanyang album. Sa Enero 27, nasa Robinson’s Metro East sa Sta. Lucia siya. Makakasama niya ang espesyal na panauhing sina Regine Velasquez at ang kanyang leading man, (sa pelikula), Richard Gomez. Ang iba pang mga araw ng mall tour ay ang sumusunod: Pebrero 1 sa Robinson’s Place Manila, Peb. 2 Robinson’s Los Baños at Peb. 3 sa Robinson’s Novaliches. Kasama rin ni Ogie ang Casanova. Aawitin nila ang ’I’ll Be Yours Forever’.