Kim at Dino, ikinasal ni Mayor JV

Mas nag-enjoy kami sa second time na nanood kami ng Weekends With Pops ni Pops Fernandez sa OnStage, Greenbelt Mall, Makati City last Saturday, January 12, because noong una kaming manood, na-late kami at almost half of the show na lamang ang naabutan namin. Although nagustuhan na namin iyong solo numbers nina RJ Rosales at Franco Laurel at tumawa na kami nang tumawa sa mga antics ni Aiai delas Alas na tuwang-tuwa dahil after daw na tatlong beses na napuno niya ang Folk Arts Theater at finally, napuno rin niya ang Araneta Coliseum, heto at ‘maid’ na lamang siya ng Concert Queen, but rubbing elbows with the rich sa Ayala, tulad ng mag-asawang Fernando at Kitkat Zobel (noong una kaming nanood, family naman ni Bea Zobel ang ‘friends’ daw niya).

Si Aiai nga ang katulong ni Pops sa paglapit sa audience para maka-duet ni Pops sa mga "uuuy" nila sa buhay, iyong mga songs na gusto nila, or theme song nila with their loved ones. Hindi nga pinaligtas ni Aiai si Kris Aquino na hindi man kumanta, ang gusto raw niya ay ang "Fallin" ni Pops, di rin niya pinaligtas si Bong Revilla na ang favorite song naman ay "When I Fall In Love". Di nga napansin agad ni Aiai si Diether Ocampo na nagtatago sana sa kanya, pero napilitan ding kumanta ng paborito niyang "No Other Love". Patungkol kaya ni Diet ito o ito ang theme song nila ni Andrea Bautista na siya niyang ka-date that evening? Naroon din si Joy Ortega, isa sa mga very close friends ni Pops at si Paul Cabral na balita namin ay papasok na rin sa showbiz dahil isa na siya sa magiging guest sa Sa Dulo Ng Walang Hanggan teleserye sa Channel 2. Nakita rin namin si Pinky Amador na kasama ang British boyfriend niya.

At muli naming nakita ang love ngayon ni Pops, si Jacques Dupastier, na nang lalapitan sana ni Aiai ay biglang tinawag ni Pops. No wonder na inspiradong mag-perform si Pops, dahil laging present ang kanyang love.

How we wish na binigyan ng isang number na magkasama ang dalawang stage actors na sina RJ at Robert Seña (na siyang special guest ni Pops that evening, alternate sila ni Franco) dahil tiyak na patok na patok iyon. Dalawang songs from Moulin Rouge ang kinanta ni Robert, ang "How Wonderful World Is" at "Tragedy". Produced by Arian Works Management Corporation, directed by Floy Quintos, with Homer Flores as the musical director. Huwag ninyong i-miss ang dalawa pang weekends ni Pops at tiyak na magi-enjoy kayo.

* * *

Puwede bang ilihim ang isang kasalan kung ginanap ito sa isang public place tulad ng Office of the Mayor of San Juan, JV Ejercito? Last Wednesday, January 9, ikinasal ni Mayor JV ang matagal nang mag-sweetheart na sina Kim delos Santos at Dino Guevarra. Sang-ayon sa aming source na nakita sina Kim at Dino na naghihintay dahil may naunang official engagement si Mayor, si Bobby Andrews lamang ang kilala niya sa mga kasama ng dalawa na siyang nag-witness sa wedding.

Sang-ayon naman sa isang close friend nila, may blessing ng parents ni Kim ang pagpapakasal nila ni Dino. Pero pinabulaanan niyang on the family way na si Kim. May thyroid problem daw lamang talaga si Kim kaya ganoon siya kalusog at matagal-tagal daw ang gamutan bago siya pumayat para magka-baby sila ni Dino.

* * *

Sandali naming nakausap si Bong Revilla after Pop’s concert at tinanong namin siya tungkol sa issue kina Assunta de Rossi at Rica Peralejo dahil naunang nabalita na si Rica ang susunod niyang katambal pagkatapos ng Mahal Kita, Final Answer ng Viva Films, pero ngayon si Assunta na nga ang makakatambal niya sa muling pagbuhay nila sa Imus Productions.

Kinausap daw siya ni boss Vic del Rosario ng Viva na sa kanila na gawin ang Rica-Bong team-up, kaya si Assunta ang kinausap nila at pumayag daw naman ang Regal Films at ang manager nitong si Direk Manny Valera. Magsisimula silang mag-shooting sa January 29. Hindi natuloy noong January 8 ang shooting dahil ipina-revise pa raw niya ang script.

* * *

R-13 ang classification ng American Adobo at hindi R-18. May theatrical release ang movie dito sa Pilipinas simula ngayong araw na ito, Wednesday, January 16, at sa Los Angeles, San Francisco at sa New Jersey, Manhattan, Queens sa New York. Directed by Laurice Guillen, tampok dito sina Christopher de Leon, Ricky Davao, Dina Bonnevie, Cherrie Pie Picache, Sandy Andolong, and Paolo Montalban. Produced ito ng ABS-CBN Entertainment at Unitel Pictures ni Tony Gloria.