Fearless forecast sa MMFF awards night

Nakagawian na namin na sa tuwing awards night ay nagbibigay kami ng forecast. Mamayang gabi ay malalaman na natin ang mga winners sa ongoing Metro Manila Film Festival. Pero bago ‘yun, narito ang aming forecast.

Best Picture: Bagong Buwan (Star Cinema)

Best Director: Marilou Diaz-Abaya (Bagong Buwan)

Best Actor: Cesar Montano (Bagong Buwan)

Best Actress: Dina Bonnevie (Tatarin) or Amy Austria (Bagong Buwan)

Best Supporting Actress: Alessandra de Rossi (Hubog) or Caridad Sanchez (Bagong Buwan)

Best Supporting Actor: Carlo Aquino (Bagong Buwan), Jiro Manio (Bagong Buwan) or Albert Martinez (Yamashita).

Best Float: Bagong Buwan (Star Cinema) or Yamashita: The Tiger’s Treasure (MAQ)

Best Story: Bagong Buwan (Star Cinema)

* * *

Nasaksihan namin ang "Parade of Star" ng Metro Manila Film Festival noong December 24. Isa na yata ito sa pinakamabituing parada na aming nasaksihan sa history ng MMFF. Nakita rin namin kung paanong dumayo ang mga Pinoy movie fans para makisaya sa nasabing parada.

Narito ang aming nasaksihan.

Iba talaga ang appeal ni Cesar Montano sa masa. Nakita namin ito sa Parade of Stars noong December 24. Talagang he caters to all ages. Marami pa rin ang kinikilig kay Cesar, lalo na ang mga kababaihan. ‘Idol’ naman ang tawag sa kanya ng mature male crowd.

Hindi rin nagpahuli si Jericho Rosales na kilig ang idinulot sa mga nakisaksi sa parada. Hindi maawat ang mga fans sa tilian sa tuwing tatapunan sila ni Jericho ng kaway. Malakas talaga ang hatak ni Jericho sa female fans. Dala marahil ito ng popularidad ng screen team up nila ni Kristine Hermosa at ng kanilang teleseryeng Pangako Sa ‘yo.

Pinagkaguluhan ng fans ang tambalan nina Camille Pratts at Danilo Barrios na lulan ng float ng Yamashita: The Tiger’s Treasure. Mainit ang pagtanggap sa kanila ng fans. Join din sa float si Ms. Gloria Romero na kasama sa cast ng Bahay Ni Lola na no wonder, malakas din ang kanilang pelikula. It was shown noong December 25.

Male crowd naman ang nagkagulo kina Rica Peralejo na sakay ng float ng Tatarin at Assunta de Rossi ng Hubog. Kilig ang mga kababaihan kina Bojo Molina, Bobby Andrews, Polo Ravales at Gerald Madrid na bida sa pelikulang Susmaryosep: 4 Fathers.

May dahilan kung bakit kailangang ipagpatuloy ng Metro Manila Development Authority ang MMFF dahil sa pamamagitan nito, nagkakaisa ang mga Pinoy sa pagtangkilik sa mga pelikulang Pilipino.

* * *

As we go to the press, naglalaban sa unang puwesto ang Bagong Buwan at Bahay Ni Lola. Sinusundan ito ng Yamashita: The Tiger’s Treasure. Then nariyan ang Hubog na sinundan ng Susmaryosep: 4 Fathers, Tatarin at Di Kita Ma-Reach.

Tiyak na magkakaroon ng pagbabago sa standing ng pitong pelikula kapag na-announce na ang winners sa Gabi ng Parangal. Good luck na lang sa mga mananalo.

* * *

For your comments and feedback, you can email me at eric_ john_salut@hotmail.com.